"Nalşəkilli mühasirə" İsveçdə - EKSKULİZİV

13:15 11-02-2019 | icon 240 | Cəmiyyət
"Nalşəkilli mühasirə" İsveçdə - EKSKULİZİV

 

Eluca Atalının növbəti kitabının təqdimatı olub

 

 

Fevralın 9-da İsveç-Azərbaycan Dərnəyinin təşəbbüsü ilə Azərbaycan oxucularına tarixi-vətənpərvərlik əsərləri ilə yaxşı tanış olan, İsveçdə yaşayan yazar Eluca Atalının növbəti "Nalşəkilli mühasirə" adlı kitabının təqdimat mərasimi keşirilib.

 

Versus.Az-ın İsveçdəki əməkdaşının məlumatına görə, bir sıra xarici qonaqların da iştirak etdiyi tədbiri giris sözü ilə açan dərnək başqanı Sevda Dadaşova tədbir iştirakçılarına müəllif və kitab haqqında məlumat verib.

 

Yüzlərlə əsərin müəllifi olan Eluca xanım Azərbaycan oxucularına "Bir udum azadlıq", xüsusilə də keçən əsrin ən qanlı soyqırımı olan Xocalı faciəsinə həsr edilmiş "Tiqranizm Xocalıda" əsəri ilə tanışdır. Yazar bu əsərində yüz illər boyu fəaliyyətini sürdürərək bu gün də davam edən erməni vandalizmini, ağılagəlməz vəhşiliklərini, bir türlü tükənməyən" iştahlarını" geniş yazıçı təxəyyülünün yaratdığı bədii obrazlar vasitəsilə çox inandırıcı boyalarla əks etdirib. Pyes şəklində yazılan "Nalsəkilli mühasire” əsərində keçən əsrin əvvəllərində Çar Rusiyasının işğalçılıq siyasətindən faydalanan nökər xislətli ermenilərin, onların "tayqulaq qəhrəmanı" Andronikin Türkiyə və Azərbaycan torpaqlarında törətdikləri vəhşilik və soyqırım, nəhayətində Laçının Zabux dərəsində Sultan bəy tərəfindən darmadağın edilmələri ustalıqla qələmə alınıb.

 

Qeyd edək ki, “Nalşəkilli mühasirə” əsərinin bu ilin yanvar ayında Bakıdakı Atatürk Mədəniyyət Mərkəzində də geniş təqdimatı keçirilmişdi.

 

İlk öncə həmyerlilərə təqdim edilən əsəri müəllifin yaşadığı İsveçdə məskunlaşan soydaşlarımıza tanıtmaq məqsədilə təşkil olunan tədbirə Türkiyə, İsveç, Özbəkistan, Kenya, Hindistan, Argentinadan olan oxucular da qatılıblar.

Qonaqlardan Maqdalina Kofe Jonsson, Nisa Saran, Manuel Santibanez yazar və kitab haqqında öz ürək sözlərini söyləyiblər.

 

Yazar xarici dillərə çevrilərək bir sıra ölkələrdə də yayımlanan əsərlərində əsrlərdir xalqımızın başına gətirilən müsübət və qırğınlar barədə oxuculara məlumat verir, haqq səsimizi çatdırır.

 

Zəngin təxəyyülə malik Eluca Atalının müxtəlif mövzularda yazılmış əsərləri bir sıra dillərə tərcümə olunaraq geniş oxucu kütləsinə təqdim olunub. Bu əsərlərdən "Adamdan üstün", "Kərküklülər – təklənmiş Türklər" ictimi siyasi məqalələr toplusu, "Heykəllər niyə danışmırlar?", "Özünü gətir", "Ruhu ilə oynayan qadın", "Savaşda qalib yoxdur", "Yad dildə azadlıq nəğməsi", "İran hizbullah zindanında" və sair göstərmək olar.

 

Eluca xanım KİBATEK - 42 ölkənin ədəbiyyat araşdırmaçıları, şair və yazarlarını əhatə edən qurumun hər il bir ölkənin yazarına verdiyi Türk Dünyasına Xidmət və İraq-Türkmən Ədəbiyyatçılar Qurumunun Qələm Ustası mükafatına layiq görülmüşdür.

 

Əminik ki, "Özü gedə bilməyən yerə düsüncələri gedən" Eluca xanım bundan sonra da bitib-tükənməyən Vətən sevgisinin, vətəndaş borcunun bir görəvi olaraq öz yaradıcılığını uğurla davam etdirəcək, yeni-yeni əsərləri ilə bizləri sevindirəcəkdir.

 

Pakizə Babazadə
/İsveç-Bakı/
Versus.Az

Xəbər lenti

InvestAZ

Ən çox oxunan xəbərlər

“Bu, düz bağırsaqda bədxassəli şişin yaranma riskini 9 % artırır”

AXH: Hakimiyyətdən bu cür siyasətinə son qoymasını tələb edirik

AXH Qurultaya hazırlaşır

Kənddə qulyabani ovu: həmin “naməlum varlıq” bu dəfə Çiyni sakinlərini “təqib edir” - FOTO

Müalicəsiz buraxılmış bu xəstəlik çox ağır fəsadlar verə bilər

"Asma körpü"nün bərpasi ücün rayon rəhbərliyinə müraciət edirəm

Bakı-Naxçıvan-Bakı marşrutu ilə sərhədkeçmə prosesi asanlaşdı

Azərbaycanın hərbi qulluqçuları Moskvada mükafatlandırılıb

Qənirə Paşayeva Kamerun, Nigeriya və Konqonun qadın nazirləri ilə görüşüb

Millət vəkilinin tanınmış qadın siyasətçiləri, QHT, KİV, təşkilat rəhbərləri ilə görüşü davam edir

Dövlət komitəsi Məhərrəmlik ayı ilə bağlı müraciət etdi

Ulu öndər Heydər Əliyevin yaxın dostu Osman Gezekerin ailəsi Azərbaycana təşəkkür etdi

Aysel və Xoşqədəmin davasında son durum

Erməni qadınlar azərbaycanlı gəncə hücum etdi

Rusiya ordusunda xidmət edən azərbaycanlı faciəvi şəkildə öldü