AXCP sədr müavinindən dərslik müəllifinə sərt mesaj

20:47 12-02-2019 | icon 476 | Cəmiyyət
AXCP sədr müavinindən dərslik müəllifinə sərt mesaj

Mehriban Sadıqova: "Dərsliklərdə kifayət qədər nöqsanlar, siyasi-ideoloji problemlər var"

 

 

5-ci sinifin "Ədəbiyyat" dərsliyində yazıçı İbrahim Vahabovun “Qısas" hekayəsi çap olunub və mətndə Azərbaycanın Milli Qəhrəmanı Mübariz İbrahimovun intihar etdiyi yazılıb. Kimlərinsə qurduğu "ssenari"si əsasında milli qəhrəmanlara, millətin dəyərinə çevrilmiş şəxslər barədə bu cür hədyanlar davam edir".

 

Versus.Az-ın məlumatına görə, bunu şagirdlərin dərsliklərində tez-tez rast gəlinən neqativ hallarla bağlı açıqlamasında AXCP sədr müavini Mehriban Sadıqova bildirib.

 

Partiya funksioneri qeyd edib ki, milli qəhrəmanımız Mübariz İbrahimova qarşı "psixoloq" təhqiri ilə başlamış qalmaqal bitməmiş yenisi ortaya çıxıb:

 

"Axı, millətin övladlarını təhqir etməyə və qəhrəmanlığın üstündən xətt çəkməyə bu adamları nə vadar edir? Tutaq ki, "psixoloq"un psixoloji problemi var, bəs məktəblilərin psixologiyasına, vətənpərvərlik tərbiyəsinə mənfi təsir edən bu hekayəni orta məktəb dərsliklərinə salanlar kimlərdir? Onsuz da heç bir dəyəri olmayan "Kurrikulum" sistemi təhsili bərbad duruma salıb".

 

Gənclərin tərbiyəsini niyə pozurlar?

 

Mehriban xanım vurğulayıb ki, adıkeçən dərslikdə "Qisas" hekayəsinin sonunda müəllif Milli Qəhrəmanın intihar etdiyini sanki həmin an ordaymış kimi yazıb:

 

"Bu adam hardan alıb bu faktı? Ermənilərin bu cür qəhrəmanı olmayıb. Ancaq onlar döyüşdə adi fəallıq göstərən sıravi hərbçidən böyük qəhrəman obrazı yaradır və sonra onu gənclərə, dünyaya təbliğ edir, haqqında mif yaradırlar. Bəs bizim yazarlar niyə ermənilərin hətta cəsədindən belə qorxaraq yaxına dura bilmədikləri, düşmənə "göz dağı verən" qəhrəmanımızı cılızlaşdırırlar? Zatən Mübariz İbrahimovun qəhrəmanlığını şişirtməyə gərək yoxdur, elə olduğu kimi təsvir etsək, uşaqlarımızı onun qəhrəmanlığı ilə daha yaxından tanış etmiş olarıq".

 

Mehriban Sadıqova hekayənin müəllifinə suallar ünvanlayıb:

 

"Yazardan soruşmaq istərdim ki, "intihar" faktını hardan götürmüsünüz? İgid eloğlumuzun konkret olaraq bədəninin hansı hissələrindən aldığı güllə yarasından dünyasını dəyişdiyi hamıya bəllidir, buna dair fotoşəkillər də yayılıb. Necə oldu, indi intihar məsələsi yayıldı? Tutaq ki, bu yazar "cinayətkardir" (elə əslində Milli Qəhrəmanın adına xələl gətirmək elə cinayətdir) Bəs konkret bu dərsliyin hazırlanmasına cavabdeh şəxslər hara baxırdılar? Elə dəyərlər var ki, onlara çox həssas yanaşılmalı, istənilən mümkün səhvə yol verilməməlidir. Utancverici hekayənin sonluğu: - “O, əlini uzadıb tapançanı götürdü və lüləsini gicgahına söykədi. Asta-asta pıçıldadı: “Nə olaydı, anamın yuxusuna girməyəydim! Əşhədü ənla, İlahə İləllah…” bitir.

Dərslik siyasəti ölkənin strateji məsələlərindən biridir. Bunu dərslik müəllifləri nəzərə almalıdır. Ancaq təəssüf ki, son illər yazılan dərsliklərdə kifayət qədər nöqsanlar, siyasi-ideoloji problemlər çoxdur".

 

Versus.Az

Xəbər lenti

InvestAZ

Ən çox oxunan xəbərlər

15 yaşında Şəhadətə yüksəlmiş Tiqanamız

QHT LAYİHƏYƏ START VERDİ

Müalicəsiz buraxılmış bu xəstəlik çox ağır fəsadlar verə bilər

DƏRD AĞACINDAN ASILI QALAN ŞƏHİD ARZULARI

AXH: Hakimiyyətdən bu cür siyasətinə son qoymasını tələb edirik

Qan testi ilə ölüm tarixini öyrənmək mümkün olacaq

Jurnalistin qardaşının evi yenə qarət edildi

"Mərhum anidən dirildi, yoxsa diri-diri dəfn edəcəkdik" - MÜSAHİBƏ

Bakı-Naxçıvan-Bakı marşrutu ilə sərhədkeçmə prosesi asanlaşdı

Dövlət komitəsi Məhərrəmlik ayı ilə bağlı müraciət etdi

"Bu gün sizlərin yarıtmaz siyasəti xalqı hər gün yeni qəzalar keçirməyə vadar edir"

23 avqust - Cəbrayıl və Füzuli rayonlarının işğal olunduğu gündür

Yuxusuzluğun ölümcül təhlükəsi aşkarlanıb

"Bəzən buna görə jurnalistləri ittiham edirlər"

Ali məktəblərin boş qalan plan yerlərinə və kolleclərə qəbulun nəticələri açıqlanıb