“Qalatasaray” çətin səfərdən qələbə ilə qayıtdı

“Qalatasaray” UEFA Çempionlar Liqasının pley-off mərhələsi çərçivəsində keçirilən “Molde” səfərindən qələbə ilə qayıdıb.

 

Qarşılaşmaya meydan sahibləri erkən qolla başlayıblar. 8-ci dəqiqədə M.Ellinqsen fərqlənib. Qoldan sonra təşəbbüsü əlinə alan “cimbom” 25-ci dəqiqədə S.Oliveira və 29-cu dəqiqədə M.İkardinin qolları ilə önə keçib.

 

İkinci hissənin 56-cı dəqiqəsində K.Hauqen hesaba tarazlıq gətirib.

 

Qarşılaşmanın əsas vaxtına əlavə edilmiş 3-cü dəqiqədə F.Midsyö “Qalatasaray”ın qələbə topunu vurub.

 

Qeyd edək ki, cavab matçı bir həftə sonra İstanbulda oynanılacaq.