"Gərginliyin saxlanılması bu planın bir hissəsidir”-açıqlama

 

12:15 03-09-2023 | icon 86 | Siyasət
"Gərginliyin saxlanılması bu planın bir hissəsidir”-açıqlama
 

 

 

 

“Fransa  Azərbaycan əarzsisində separatçılara açıq dəstək verməkdə, Laçın yolu ətrafında siyasi spekulyasiyaların mərkəzində dayanmaqda,  Azərbaycana qarşı qərəzli siyasi mövqenin formalaşmasına çalışmaqdadır. Artıq Azərbaycana qarşı qərəzli siyasi  mövqelərinin genişlənmsi arealını görməkdəyik”.

 

Bunu Versus.az-a Milli Məclisin deputatı Elşad Mirbəşir Azərbaycana qarşı aktivləşən Fransa-Makron siyasətinin regiona verdiyi vədlər və son gözləntilərlə bağlı açıqlamasında bildirib.

 

Deputat qeyd edib ki, Laçın yolu, eləcə də Azərbaycan ərazilərində yaşayan ermənilərin vəziyyəti ətrafında baş verənlər özündə geosiyasi məqamları ehtiva edir.

 

“Laçın yolu haqqında çox danışılır, müzakirələr aparılır, məsələ BMT Təhlükəsizlik Şurasında qaldırılır. Artıq Fransa bu məsələni yenidən BMT müzakirəsinə daşımağa çalışır. Artıq Laçın yolu ətrafındakı səs-küyün mənzərəsi aydın olmağa başlayır.

Biz görürük ki,  Azərbaycanın təklif etdiyi Ağdam-Xankəndi marşrutu haqqında heç danışmır. Məqsəd ondan ibarətdir ki, hardasa keçmişdə qalmış, bu gün heç bir əhəmiyyəti olmayan Madrid prinsiplərinə uyğun bir tənzimləmə həyata keçirilsin. O prinsiplərdə Qarabağın vəziyyəti, Laçın yolunun vəziyyəti xüsusi şəkildə müəyyənləşdirilirdi. Yəni Laçın yolu Xankəndi ilə Ermənistan arasında bir kommunikasiya olaraq ermənilərin  vəziyyəti müəyyənləşənə qədər qalmalı idi. Bu ona xidmət edir ki, Qərbin dəstəklədiyi prinsiplər üzrə tənzimləmə təsəvvürləri formalaşsın. Bu da geosiyasi çəkişmənin göstəricisidir.

Regionda gərginliyin saxlanılması da bu planın bir hissəsidir”.

 

E.Mirbəşir eyni zamanda bildirib ki, Fransa gərginlik qalacağı təqdirdə ayrıca olaraq Cənubi Qafqaz regionunda təsir imkanlarını saxlamağa ümid edir. Makronun canfəşanlığı bununla bağlıdır.

 

Deputat məsələnin başqa bir tərəfində prosein Ermənistan üçün ağrısız həll olunması istəyi dayanır.

 

“Belə hesab olunur ki, Azərbaycan ərazisində olan ermənilərin hələlik qeyri-müəyyən qalmasının özü də Paşinyan hökuməti  üçün bir uğur elementi  ola bilər. İndiki Ermənistan ağır məğlub durumunda Azərbaycanın irəli sürdüyü şərtlər əsasında sülh müqaviləsini imzalayacaqsa, bu onun hakimiyyətinin sonu olacaq.

 

Deputat hesab edir ki, bu gün kifayət qədər gərgin bir prosesləri müşahidə edirik. Heç vaxt olmadığı qədər Qərb düşərgəsində Azərbaycana qarşı koalisiya formalaşmaqdadır. Amma Azərbaycan bugünkü mövqeyi ilə bütün oyunları pozmaq gücündədir.

 

“Azərbaycan prezidentinin strateji baxışları, privintiv olaraq ölkəmizə qarşı bütün qərəzləri fiaskoya uğratmaqdadır. Aprel ayının 23-də  Laçın yolunda nəzarət-buraxılış məntəqəsini qurmaqla  tam olaraq proseslərin inkişafını öz nəzarətimiz altına almağı bacardıq. Xankəndidə etdiyimiz müşahidələr bir daha göstərir ki, Azərbaycanın iradəsi kifayət qədər güclü və keçərlidir.

 

İstefa verən separatçı rejimin rəhbəri Araik Arutunyanın özü də etiraf edir ki, Azərbaycan onun separatçıların başında olmasından narazı idi, ümumuyyətlə separatçıların Azərbaycan ərazilərindən getməsi mütləq baş verəcəkdir. Arutunyan bildirdi ki, guya Azərbaycanla Ermənistan arasında sülh prosesinə müsbt töhvə vermək üçün istefa verir. Əslində etiraf edir ki, Azərbaycanın iradəsini qəbul edirlər. Bütün proseslər onunla nəticələnəcək ki, biz bütün ərazilərimiz boyunca etibarlı, dönməz şəkildə suverenliyimizi təmin edəcəyik”.

 

Tahirə Qafarlı

Versus.az

Xəbər lenti

InvestAZ

Ən çox oxunan xəbərlər

“Azərbaycan bayrağı Xankəndi üzərində mütləq dalğalanacaq”

Paşinyanın bəhanələri birdəfəlik bitdi

“Prezidentin DƏMİR YUMRUĞunun bir parçasıyıq”

Ulu Öndərimiz Heydər Əliyev və Türk Birliyi

Parlamentdə YENİLİK

Dövlət Miqrasiya Xidməti yanında İctimai Şuranın NÖVBƏTİ İCLASINDA

İlhan Doğan’ın hayatı film oldu

“Cənubi Qafqazda sülhün təminatçısı Azərbaycandır”

Ermənilərin Şuşanın girişində quraşdırdıqları tank

“Şəhidlərimizə borcumuz əbədidir”

“İrəvanda Rusiyadan uzaqlaşma kursu davam edəcək”

"200 illik bir düyünün əsas hissəsini çözə bildik"

Qarabağdakı erməniəsillilərdən Azərbaycan vətəndaşlığı üçün MÜRACİƏT

27 sentyabr tarixi və Azərbaycanın qarşısında açılan QAPI

İsveçrədə niqab QADAĞASI