Başlayan nevrozun ilk ƏLAMƏTLƏRİ

07:16 24-10-2023 | 194 | Sağlamlıq

Azərbaycanda nevroz olmayan insan az tapılır. Bir çox sinir, nevroloji və psixi xəstəlikləri insanlar ümumi nevroz altında birləşdirir və nevrozun müalicəsini axtarırlar.

Nevrozun ilkin əlamətlərini təqdim edirik:

- Hər şeyə irad tutmaq, qıcıqlanmaq. Ən lazımsız, dəyərsiz xırda bir şey, qonşunun baxışı, işdə kolleqanın sualı səni özündən çıxarır. Dərhal hamıya həyatda necə düzgün yaşamağı başa salmaq istəyirsən. Fikirlərini də çox emosional bildirirsən.

- Küsəyənlik, tez incimək. Özünə münasibətdə, davranışda ancaq neqativ görürsən. Hər kəs hər şeyi qəsdən edir. Yaxşını isə görmürsən.

- Takıntı halı. Keçən həftə başına gələn kiçik neqativi və ya kiminsə sözünü unutmursan. Ürəyində onunla mübahisə edir, necə cavab verəcəyəni düşünür, özünü qınayırsan.

- Düşmən axtarmaq. İstənilən həyat vəziyyətlərində ancaq neqativ axtarırsan. Çox adam sənə ədalətsiz görünür. Müdir yaramazdır, qonşular paxıldır, internetdə yalançılardır, dünyada hər kəs sənə zərbə vurmağa çalışır.

- Yuxusuzluq, narahat yuxu – nə qədər yorğun olsan da, rahat yatmırsan, hətta yuxuda da günün problemini düşünüb, ürəyində kimisə asıb kəsirsən. Səhər də heç yatmamış və dincəlməmiş oyanırsan.

Əgər artıq bu problemlər varsa, nevroloq və psixiatra müraciət edin.