"Kim dedi ki, mən qadınam?"

21:29 08-03-2019 | icon 172 | Kürsü
"Kim dedi ki, mən qadınam?"

 

BƏYBALA MİRZƏYEV

/Tanınmış jurnalist/

 

Martın 7-də anons etmişdim ki, bugünkü paylaşımlarımın mütləq əksəriyyətini lider qadınlara, işgüzar xanımlara həsr edəcəm. Ancaq bu gün heç bir paylaşım etmədim. Bunun da birinci səbəbi odur ki, həmin anonsumu yarıincik, yarıtəəccüb hissilə qarşılayanlar da oldu və mənə irad da bildirildi ki, niyə qadınlar arasında ayrı-seçkilik edirsiniz. Hərçənd ki, mənim belə bir məqsədim, niyyətim yox idi.



İkinci səbəb isə bu gün xanım dostlarımızdan birinə yazdığım təbrik mesajına aldığım bir qədər gözlənilməz cavabla bağlıdır. Real həyatda da çox yaxşı tanıdığım və vaxtilə birgə layihələr etdiyimiz həmin xanım cavab mesajında məni seytnot vəziyyətinə salan belə bir cümlə yazdı: "Təşəkkür, müəllim. Amma bu bayramın mənə aidiyyatı yoxdur. Kim dedi ki, mən qadınam?"



Təsəvvür edirsiniz mən bu cümləni oxuyanda necə şok oldum, sarsıldım? Bu mesaj mənə soyuq duş təsiri bağışladı. Əlbəttə, mesaj sahibi cinsi mənsubiyyətinə görə yüzdə-yüz qadındır, amma ruhən qadın deyil. Çünki qadınlıqdan çox uzaqlaşıb. Söhbət onun ruhən, psixoloji baxımdan güclü qadına (kişi kimi qadına) çevrilməsindən, kişiləşməsindən, sərtləşməsindən, daşlaşmasından, hissizləşməsindən gedir.



Yaşadığı, keçib gəldiyi həyat mərhələləri və bu mərhələlərdə qarşılaşdığı bəzi vecsiz, yaramaz kişi həmcinslərim onu bu cür acınacaqlı duruma gətirib çıxarıb. Onlar bu qadının qadınlıq hisslərini mərhələ-mərhələ öldürüb sıradan çıxarıblar. Son nəticədə isə, "öldürdükləri" həmin o zərif və zəif qadının yerində əsəbi, çılğın, sərt, xarizmatik, təşkilatçı və lider qadın obrazında birisini qoyub gediblər. "Kim dedi ki, mən qadınam?" sualını da məhz bu qadından eşitdim. Zərif qadın isə şübhəsiz ki, heç vaxt belə bir sual verməzdi.



Deməli, liderlik heç də asan başa gəlmir. Liderlik mərhələsinə gəlib çatan qadınların bəziləri çox məşəqqətlərdən keçib gəlməli olurlar.



Əlbəttə, zərifliklə liderliyi bir arada tutmağı, uzlaşdırmağı bacaran xanımlar da az deyil. Amma onların haqqında bu gün nəsə yazmaqdan vaz keçdim. Çünki "Kim dedi ki, mən qadınam?" sualı mənim bugünki bütün yazı planlarımı alt-üst etdi...



P.S. Qadınlığınızı öldürməyə çalışanlardan, sizi zərif cinsin nümayəndəsi olmaqdan çıxarıb güclü məxluqa çevirmək istəyənlərdən özünüzü qoruyun, əziz xanımlar.

Bir daha bayramınız mübarək olsun

Xəbər lenti

InvestAZ

Ən çox oxunan xəbərlər

“Fuad Abbasovu aradan götürmək istəyirlər”

"Fuad Abbasov kimi həmyerlilərimizə arxa durmalı, dəstək verməliyik"

Laçınsız 27 il - “İnşallah bir gün qələbə müjdəsi ilə gələrik ziyarətinizə”

Laçınlılar Xosrov bəy Sultanovun xatirəsini andılar

Keçmiş döyüşçülər: "Ali baş komandanın əmrini gözləyirik

Erməni Xocalıda Azərbaycan uşaqlarının qanı ilə pərvazlanır...

Hər il zorlanır, hər il hamilə qalır LAÇIN...

YAP-çı deputat: “Fuad Abbasov qanı erməni qanına qarışmış azərbaycanlı diaspor nümayəndələrinin vasitəsilə saxlanılıb”

"İki ölkə arasında münasibətlərə zərər verən bu kimi addımların qarşısı alınmalıdır"

"Laçın hələ işğal edilməmişdən mənim işğala görə həbsim ssenariləşdirilmişdi" - MÜSAHİBƏ

“Fuad Abbasovun deport olunması məqsədilə saxlanılmasını qınayırıq”

“Ailəmi dolandırmaq üçün xəstəliklərin yayıldığı Yəmənə getməyə məcbur oldum”

“…Özünü beynəlxalq təşkilatlara göstərib, qrant güdür” - Müsahibə

Deputat kəndlərdəki yeni məhlələrdə əhalinin təbii qazla təminatındakı problemlərdən danışıb

Qovlar şəhərində fitoterapiya ilə bağlı geniş seminar keçirilib