"Gözləmə mövqeyindəyik"

12:12 28-06-2024 | icon 40 | Siyasət
"Gözləmə mövqeyindəyik"

Fuad Əliyev: "Təcrübələrimiz göstərir ki, seçkiyə hər zaman hazır olmaq lazımdır”

 

Hakim Yeni Azərbaycan Partiyasını təmsil edən deputatların parlamentin buraxılması ilə bağlı ölkə başçısına müraciət etməsindən sonra Milli Məclisə seçkilərin vaxtından, yəni noyabrdan öncə keçirilməsi xəbəri dəqiqləşib. Artıq bir sıra partiya və təşkilatlar baş tutacaq növbədənkənar parlament seçkilərinə hazırlaşmağa başlayıb.

 

Versus.Az xəbər verir ki, bu ilin fevralında baş tutan növbədənkənar prezident seçkilərində namizəd olmuş Müstəqil Həmkarlar Birliyinin həmtəsisçisi Fuad Əliyev açıqlamasında parlament seçkilərinə hazırlıq işləri ilə bağlı təşkilat tərəfindən işlərin görüldüyünü bildirib.

 

Fuad Əliyev qeyd edib ki, MHB bununla bağlı 2 ay bundan qabaq seçki qərargahı yaradıb:

 

"Doğrudur, qanunvericiliyə görə, Müstəqil Həmkarlar Birliyi olaraq seçkilərdə iştirak edə bilmərik. Amma hamımız fərdi şəkildə bu seçkilərdə iştirak edəcəyik. Artıq bir neçə dairədən üzvlərimizin iştirak etmək istəyi var".

 

F.Əliyev hələ ki, hansı dairədən namizəd olacağıma qərar vermədiyini vurğulayıb:

 

"Bundan öncə prezident seçkilərində iştirak etmişəm və istənilən dairədən namizədliyimi irəli sürə bilərəm. Yəqin ki, bu Bakı şəhərindəki hansısa dairədən olacaq. Seçkilərdə dostlarımız da iştirak edir və üst-üstə düşməmək üçün biz də gözləmə mövqeyində durmuşuq. Bu istiqamətdə müəyyən məsləhətləşmələr aparılır”. 

 

Fuad Əliyev parlamentin vaxtından öncə buraxılması ilə bağlı müraciətə də münasibət bildirib:

 

“Parlamentin vaxtından öncə buraxılmasını normal qarşılayıram. Bu onsuz da gözlənilən idi. Konstitusiyaya görə, seçkilər noyabrda baş tutmalıydı. Noyabrda bir sıra beynəlxalq tədbirlərin keçiriləcəyini nəzərə alaraq, YAP belə bir təşəbbüs irəli sürdü. Seçkilərin noyabrda və ya vaxtından tez keçirilməsi heç bir şey dəyişmir. Hər halda, təşkilat olaraq prezident seçkilərindən sonra, dərhal parlament və bələdiyyə seçkilərinə hazırlıq işlərinə başlamışıq. Bizim üçün istənilən seçki gözlənilməz deyil. Müstəqil Həmkarlar Təşkilatının üzvləri fərdi şəkildə həm parlament, həm də bələdiyyə seçkilərində iştirak edəcəklər. Keçmiş təcrübələrimiz onu göstərir ki, seçkiyə hər zaman hazır olmaq lazımdır”.

 

AYSEL
versus.az

Xəbər lenti

InvestAZ

Ən çox oxunan xəbərlər

“Şuşa Qlobal Media Forumu bütün dünyanın maraqlarına xidmət edir”

“İravan bilməlidir ki, bu həll edilmədən sülhdən söz gedə bilməz”

Siyasilərdən kim hansı dairədən namizəd olacaq?

İnternetin qiyməti ARTACAQ

Yuxu problemi olanlar üçün TƏKLİF

Beyləqanda çürümüş kişi meyiti tapıldı

Vətən müharibəsi qazisi VƏFAT ETDİ

Yeni radarlar: Cərimə yazmır, amma...

Osman Gündüzdən internetin bahalaşmasına ETİRAZ

İrəvan sülh gündəliyindən geri ÇƏKİLDİ

Beyləqanda silahlı İNSİDENT

Prezidentin sabiq köməkçisi deputat olmaq İSTƏYİR

YAP-ın seçki TARİXİ

Beynəlxalq Azadlıq Cəbhəsi YARADILDI

Magistraturaya sənəd qəbulu prosesinin müddəti UZADILDI