"Bələdiyyə, icra hakimiyyətləri elə tərzdə olmalıdır ki..."

13:26 28-06-2024 | icon 27 | Siyasət
"Bələdiyyə, icra hakimiyyətləri elə tərzdə olmalıdır ki..."

Razi Nurullayev: “Bələdiyyələr yamaq yox, söz sahibi olmalıdır” 

 

“Bələdiyyələr üzərindən torpaq satan damğasının götürülməsi üçün xeyli əməli işə ehtiyac var. Bələdiyyə institutunun işləməsi üçün vətəndaşların onlara inamı artırılmalıdır. Çünki, sakinlər deyir ki, bələdiyyələrin bacardığı iş torpaq satmaq, icarəyə vermək və satmaq üçün yeni-yeni boş sahələr axtarmaqdır”.

 

Versus.az xəbər verir ki, bunu deputat Razi Nurullayev “Bələdiyyələrin statusu haqqında” və “Bələdiyyələrin fəaliyyətinə inzibati nəzarət haqqında” qanunlarında dəyişiklik edilməsi barədə qanun layihəsinin birirnci oxunuşda müzakirəsində bildirib.

 

Deputat bələdiyyələrlə bağlı narahatlq doğuran əsas üç məqama toxunub. Bildirib ki, birinci məsələ məlum “damğanın” aradan qaldırılması, ikinci məsələ bələdiyyələrin statusunun daha da artırılması və onların yerli inkişafda əsas fiqura çevrilmələri və vətəndaşlar qarşısında birbaşa məsuliyyət daşımalarıdır:

 

“Bələdiyyələr yamaq yox, söz sahibi olmalıdır. Bunun üçün də dediyim ikinci məsələdən irəli gələn əsas iş bələdiyyələrə öyrətmək ki, əlində olan satıb kasıb qalma, əlində olanı özün biznesə çevir və pul qazan. Bunun üçün dövlət nəzarəti və beynəlxalq inkişaf agentliklərinin iştirakı ilə onlara biznes planların hazırlanması və kredit ayrılması təşkil oluna bilər. Çünki, bələdiyyələr öz bilik-bacarıqları və resursları ilə çətin ki, qazanc gətirən biznes qurub əhaliyə xidmət göstərə bilsinlər”.

 

R.Nurullayev nəyə görə şikayətlərin bitməməsinə, narazıların sayının artmasına və nəyə gərə hamının problemlərin həllini Prezident Administrasiyasında və Milli Məclisdə görməsi ilə baölı məsələlərə aydınlıq gətirilmısini zəruri sayıb. Deputat bunun səbəbini yerlərdə problemlərin həllinin zəif olması ilə əlaqələndirib:

 

“Bələdiyyələr deyir vəsaitimiz yoxdur, icra hakimiyyətləri deyir ki, vəsaitimiz azdır. Kifayət qədər vəsait də heç zaman olmayacaq. Varlı ölkələrdə də büdcə vəsaiti heç zaman bəs etmir. Əslində, dövlət və bələdiyyə qurumlarının dövlət büdcəsindən pay umması doğru deyil. Bələdiyyələrin imkanları var, yaxud imkan yaratmaq olar ki, onlar özləri qazanc götürüb yerli inkişafa qoysunlar. Bələdiyyə, icra hakimiyyətləri elə tərzdə olmalıdır ki, yerli səviyyəli problemlər Prezident Administrasiyasına və Milli Məclisə daşınmasın, yerlərdə həll olunsun".

Xəbər lenti

InvestAZ

Ən çox oxunan xəbərlər

“Əgər bu bizim milli maraqlarımıza təsir edəcəksə…”

İyulun 13-14-də Miri Yusif Yaşıl Teatrda olacaq

"Bu adətdir, ibadət deyil"

Vaqif Mustafazadənin ilk dəfə yayılan şedevr ifası

“Metafizika” jurnalı ERİH PLUS beynəlxalq xülasələndirmə və indeksləmə sistemində

Özbək müğənni “Bayatı-Şiraz”ı oxudu

Böyük bir dövrün başlanğıcı - 14 iyul 1969-cu il

"Kəpəz" iki futbolçusu ilə vidalaşıb

Yeni Şuşanın köhnə ab-havası

Daha bir ölkəyə vizasız GEDƏCƏYİK

Amerika Kubokunun FİNALI

Türk dövlətləri üçün vahid əlifba qəbul edilsin! - TƏKLİF

Qəbul yerləri ARTIRILDI

Bu ərazi Azərbaycanın nəzarətinə KEÇDİ

İrandakı səfirliyimizin fəaliyyəti BƏRPA EDİLİB