Azərbaycanı ŞƏT üçün cəlbedici edən nədir?

19:30 04-07-2024 | icon 221 | Siyasət
Azərbaycanı ŞƏT üçün cəlbedici edən nədir?

Könül İsmayılova: “Azərbaycan mühüm beynəlxalq nəqliyyat və logistika mərkəzinə çevrilib”

 

“Prezidentin Astana səfəri və bu çərçivədə keçirilən görüşləri maraqla izlənməkdədir. Şanxay Əməkdaşlıq Təşkilatının Zirvə sammitində qəbul edilən “Astana Bəannaməsi” bu zirvənin əhəmiyətini, mahiyyətini bir daha ortaya qoydu”.

 

Bunu Versus.Az-a Prezident İlham Əliyevin Astanaya səfəri və Zirvə Toplantısında iştirakı ilə bağlı açıqlamasında Nizami rayon İcra Hakimiyyətinin məsul işçisi, Müasir Müsavat Partiyasının Siyasi Şura və İdarə Heyətinin üzvü Könül İsmayılova bildirib.

 

Könül İsmayılova qeyd edib ki, Şanxay Əməkdaşlıq Təşkilatının (ŞƏT) əhəmiyyəti, Azərbaycanın bu sammitdə tutduğu yeri və rolu xüsusilə izlənir:

 

“Ölkəmiz artıq ikinci dəfədir ki, bu mötəbər tədbirə dəvət olunur. İlk dəfə dövlət başçısı Şanxay Əməkdaşlıq Təşkilatının 2022-ci ilin sentyabrında Özbəkistanda keçirilən Zirvə görüşündə iştirak etmişdi.

ŞƏT 2001-ci ildə Qazaxıstan, Çin, Qırğızıstan, Rusiya, Özbəkistan və Tacikistan tərəfindən Şanxayda təsis olunub. Qurumun Səmərqənd sammitində İranın tamhüquqlu üzv kimi qəbul edilməsindən sonra Şanxay Əməkdaşlıq Təşkilatı üzvlərinin sayı 9 olmuşdu. Astana görüşündə isə Belarusun da tam hüquqlu üzv kimi qəbulundan sonra bu ölkələrin sayı 10-a çatdı. Şanxay Əməkdaşlıq Təşkilatı xüsusilə son illərdə beynəlxalq arenada nüfuzu artan, həm təhlükəsizlik, həm də iqtisadi inkişaf sahələrində mühüm rol oynamağa başlayan qurum kimi daha çox diqqət cəlb edir”.

 

K.İsmayılova bildirib ki, ŞƏT-in beynəlxalq hüquqi cəlbediciliyinin digər tərəfi onun hansısa bloka daxil olmaması, üçüncü ölkələrə və ya digər beynəlxalq təşkilatlara qarşı yönəlməməsi, bütün iştirakçıların bərabərliyi və suverenliyinə hörməti, daxili işlərə qarışmaqdan imtina etməsi və münaqişələrin qarşısının alınmasıdır:

 

“Ölkəmiz hazırda Şanxay Əməkdaşlıq Təşkilatının dialoq üzrə tərəfdaşı kimi regional təhlükəsizlik məsələləri, o cümlədən Şərq-Qərb və Şimal-Cənub nəqliyyat dəhlizləri kimi kommunikasiya layihələrinin irəlilədilməsi üzrə təşkilatla faydalı əməkdaşlıq edir. Onu da qeyd edim ki, Şanxay Əməkdaşlıq Təşkilatının əsas fəaliyyət istiqamətlərindən biri təşkilatın bütün coğrafiyasında regional təhlükəsizliyin təmin edilməsidir. Bunun üçün terrorizm, separatizm və ekstremizmin səbəbləri, mənbələri və təzahürlərinin aradan qaldırılması qurumun fəaliyyətində prioritet kimi müəyyən edilib”.

 

Hazırda ölkəmizin ŞƏT-də müşahidəçi statusu almaq niyyətində olduğunu vurğulayan K.İsmayılova bildirdi ki, Azərbaycanın ŞƏT-də müşahidəçi statusu alması bu nüfuzlu qurum üçün də böyük önəm daşıyır:

 

“Azərbaycan son illərdə həyata keçirilən irimiqyaslı infrastruktur layihələri sayəsində mühüm beynəlxalq nəqliyyat və logistika mərkəzinə çevrilib. Odur ki, Şərq-Qərb və Şimal-Cənub Nəqliyyat dəhlizləri kimi regional kommunikasiya layihələrinin işə düşməsinə mühüm töhfələr verən Azərbaycan təbii olaraq Şanxay Əməkdaşlıq Təşkilatı üçün də cəlbedici görünür”.

 

PƏRİ
versus.az

Xəbər lenti

InvestAZ

Ən çox oxunan xəbərlər

“Şuşa Qlobal Media Forumu bütün dünyanın maraqlarına xidmət edir”

“İravan bilməlidir ki, bu həll edilmədən sülhdən söz gedə bilməz”

Siyasilərdən kim hansı dairədən namizəd olacaq?

İnternetin qiyməti ARTACAQ

Yuxu problemi olanlar üçün TƏKLİF

Beyləqanda çürümüş kişi meyiti tapıldı

Vətən müharibəsi qazisi VƏFAT ETDİ

Yeni radarlar: Cərimə yazmır, amma...

Osman Gündüzdən internetin bahalaşmasına ETİRAZ

İrəvan sülh gündəliyindən geri ÇƏKİLDİ

Beyləqanda silahlı İNSİDENT

Prezidentin sabiq köməkçisi deputat olmaq İSTƏYİR

YAP-ın seçki TARİXİ

Beynəlxalq Azadlıq Cəbhəsi YARADILDI

Magistraturaya sənəd qəbulu prosesinin müddəti UZADILDI