Azərbaycanın BRİCS və ŞƏT-ə üzv olmasından GÖZLƏNTİLƏR

19:50 04-07-2024 | icon 156 | Siyasət
Azərbaycanın BRİCS və ŞƏT-ə üzv olmasından GÖZLƏNTİLƏR

Fuad Əliyev: "Bu, iqtisadi baxımdan yeni imkanlar yaradacaq"

 

“Prezident İlham Əliyev Astanada çoxsaylı iki tərəfli görüşlər keçirib. Keçirilən bütün bu görüşlər Azərbaycan üçün çox əhəmiyyətlidir".

 

Versus.Az xəbər verir ki, bunu prezidentliyə keçmiş namizəd, Müstəqil Həmkarlar Birliyinin (MHB) sədri Fuad Əliyev ötən prezident seçkilərində namizədlər üçün təşkil edilən debatda çıxışı zamanı deyib.

 

Fuad Əliyev Azərbaycanın BRİCS və Şanxay Əməkdaşlıq Təşkilatına (ŞƏT) üzv olmasının əhəmiyyətinə diqqət çəkib. Onun sözlərinə görə, Azərbaycan BRİCS və ŞƏT-a üzv olsa, iqtisadi baxımdan yeni imkanlar yaradacaq:

 

“Prezident İlham Əliyev Astanada çoxsaylı iki tərəfli görüşlər keçirib. Keçirilən bütün bu görüşlər Azərbaycan üçün çox əhəmiyyətlidir. Və  Azərbaycan Respublikası ilə Çin Xalq Respublikası arasında strateji tərəfdaşlığın qurulması haqqında bağlanan birgə Bəyannaməni xüsusi qeyd etmək lazımdır. Yeri gəlmişkən, Çin tərəfi Azərbaycanın Şanxay Əməkdaşlıq Təşkilatı (ŞƏT) çərçivəsində əməkdaşlığı gücləndirmək səylərini alqışlayır, ŞƏT-də Azərbaycanın hüquqi statusunun yüksəldilməsini dəstəkləyir. Azərbaycan tərəfi BRICS-ə daxil olmaq arzusunu ifadə edir və Çin tərəfi BRICS əməkdaşlığında Azərbaycanın iştirakını alqışlayır. Bu imzalanan Bəyannamədə qeyd olunub. Çin BMT Təhlükəsizlik Şurasının beş daimi üzvlərindən biridir. Çin Rusiya ilə birgə BRİCS və ŞƏT-də aparıcı ölkədir. Ona görə də, bağlanan Bəyannamə və gələcəkdə Azərbaycan BRİCS və ŞƏT-ə üzv olsa, iqtisadi baxımdan yeni imkanlar yaradacaq”.

 

Fuad Əliyev qeyd edib ki, Ukraynada müharibə qütbləşməni sürətləndirib:

 

“Ukraynada müharibə dolayısı ilə, bir tərəfdən G7, digər tərəfdən BRİCS, ŞƏT qarşıdurmasına gətirib çıxarıb. BRİCS və Şanxay Əməkdaşlıq Təşkilatı beynəlxalq qütbləşmədə xüsusi rol oynayan qurumlardır. Azərbaycan bu qurumlara üzv olan dövlətlər ilə ikitərəfli münasibətlərə malikdir. Nəzərə alsaq ki, Qərb Azərbaycana garşı ikili standart siyasət aparır, bu qurumlara tam hüquqlu üzv olmasaq da, ikitərəfli münasibətlər bizi iqtisadi sanksiyalardan qoruyur. Beynəlxalq Valyuta Fondunun 2024-cü ilə olan məlumatına görə, dünya əhalisinin təqribən 45 faizi bu qrupa üzv ölkələrdə cəmləşib. Dünya ÜDM-nin 28,7 faizi, beynəlxalq ticarətin təxminən 20 faizi bu qrupun payına düşür. Həmçinin BRICS ölkələrində maliyyə resursları təxminən 25 trilyonu keçir. Niyə Azərbaycan belə bir qurumlarda təmsil olunmasın? Hesab edirəm ki, mütləq üzv olmalıdır”.

 

Xatırladaq ki, kimi, Şanxay Əməkdaşlıq Təşkilatının sədri statusunda Qazaxıstan Respublikasının Prezidenti Kasım-Jomart Tokayevin dəvəti ilə ŞƏT-in Zirvə toplantısında iştirak etmək üçün Azərbaycan Prezidenti İlham Əliyev iyulun 3-də Astanada səfərdə olub.

 

AYSEL
versus.Az

Xəbər lenti

InvestAZ

Ən çox oxunan xəbərlər

“Əgər bu bizim milli maraqlarımıza təsir edəcəksə…”

İyulun 13-14-də Miri Yusif Yaşıl Teatrda olacaq

"Bu adətdir, ibadət deyil"

Vaqif Mustafazadənin ilk dəfə yayılan şedevr ifası

“Metafizika” jurnalı ERİH PLUS beynəlxalq xülasələndirmə və indeksləmə sistemində

Özbək müğənni “Bayatı-Şiraz”ı oxudu

Böyük bir dövrün başlanğıcı - 14 iyul 1969-cu il

"Kəpəz" iki futbolçusu ilə vidalaşıb

Daha bir ölkəyə vizasız GEDƏCƏYİK

Yeni Şuşanın köhnə ab-havası

Amerika Kubokunun FİNALI

Türk dövlətləri üçün vahid əlifba qəbul edilsin! - TƏKLİF

Qəbul yerləri ARTIRILDI

Bu ərazi Azərbaycanın nəzarətinə KEÇDİ

İrandakı səfirliyimizin fəaliyyəti BƏRPA EDİLİB