Məhəmməd Əsədullazadə: “Seçki mühitini qaralamaqla növbəti əsassız iddialar ortaya qoyacağı istisna edilmir”

“Azərbaycan sentyabrın 1-də növbədənkənar Parlament seçkilərini müşahidə etmək üçün Avropa Şurası Parlament Assambleyasına (AŞPA) dəvət göndərməməklə çox düzgün addım atıb”.

Versus.Az xəbər verir ki, bunu açıqlamasında siyasi şərhçi Məhəmməd Əsədullazadə bildirib.

Onun sözlərinə görə AŞPA daim Azərbaycana qarşı qərəzli mövqe tutub və ilkin hesabatlarında ölkəmizə qarşı təzyiqlərin formalaşmasına yönəlik qətnamlər qəbul edib:

“Azərbaycanın bu mövqeyi müstəqil siyasət yürütməsini, heç bir beynəlxalq təşkilatdan asılı olmadığını, təlimatlarla hərəkət etmədiyini göstərir. Azərbaycana qarşı qərəzli qətnamələr qəbul edən AŞPA-dan seçki ilə bağlı obyektiv yanaşma gözləmək də sadəlöhvlük olardı. Bütün hallarda AŞPA-nın Azərbaycanın seçki mühitini qaralamaqla növbəti əsassız iddialar ortaya qoyacağı istisna edilmir. Azərbaycanda keçirilən seçkini sual altında qoyan və özlərinin bəyanatlarında seçki mühitinin olmadığını bəyan edən AŞPA-nın sentyabrın 1-də keçirilən növbədənkənar seçkilərə dəvət olunmaması bu qurumun ölkəmizə qarşı münasibətinə adekvatdır”.

LƏMAN
versus.az