Gürcüstan Rusiya ilə sərhədi BAĞLAYACAQ
341 |
Dünya
Gürcüstan hakimiyyəti texniki işlərlə əlaqədar Rusiya Federasiyası ilə sərhəddə yerləşən Kazbegi gömrük-keçid məntəqəsini avqustun 6-da səhər saat 05:00-dan 10:00-dək bağlayacaq.
TASS-yazır ki, bu barədə Gürcüstan Maliyyə Nazirliyinin Gəlirlər Xidməti məlumat yayıb.
Qurumdan bildirilib ki, bu müddət ərzində məhsulların idxalı və ixracı, habelə sərhədi keçərkən fiziki şəxslərin nəzarəti ilə bağlı prosedurlar dayandırılacaq.
Məlumata görə, təmir işləri başa çatdıqdan sonra gömrük-keçid məntəqəsi adi rejimdə, tam gücü ilə fəaliyyət göstərəcək.
Qeyd edək ki, "Kazbegi - Yuxarı Lars" hazırda Gürcüstan-Rusiya sərhədində fəaliyyət göstərən yeganə gömrük keçid məntəqəsidir.
Xəbər lenti
“Milli Şura”nın ATƏT-ə çağırışına CAVAB
“Cəmiyyətimiz Kərimli və Həsənli kimilərinin varlığını çoxdan unudub”
