Avropanın siyasi pornoqrafiyasını ölkəmizə inteqrasiya edənlər…

RAMİL HÜSEYNOV
/"Yeni Xətt" Siyasi Tədqiqatlar Mərkəzinin rəhbəri/

Siyasətlə məşğul olan bəzi şəxslər siyasi fəaliyyətin motivlərini hələ də dərk edə bilmirlər. Çünki şəxsi maraq və mövqeləri buna imkan vermir.

Fərdi siyasi mövqe bilavasitə siyasi fəaliyyətdə özünü büruzə verir. Özlərini real müxalifət sayanlar, hər cümləsində “biz güclü müxalifətik” deyən kərimlilər, baxın görün ətrafınıza kimləri toplamısınız. Siz bunlarla real müxalifət statusu qazanmaq istəyirsiniz?..

Azərbaycan xalqının milli-mənəvi dəyərləri var. Bu dəyərləri heç vaxt kimsə xalqa unutdura bilməz. Siz o milli dəyərləri tapdalayan, onun əleyhinə gedən, üzərinə şığıyan şəxslərə “milli” don geyindirə bilməzsiniz. Çünki onlar bizim mentalitetə düşmən kəsilmiş, bütün fəaliyyəti hərəkətləri ilə dəyərlərimizi Avropanın guya “demokratik” dəyərlərinə qurban verməklə məşğul həsənlilər tipindəndirlər. O cür adamları yanınızda, böyrünüzdə hərləməklə özünüz də onlar kimi bərkimiş və dəyişməyi çətin olan siyasi mövqeyin arxasından qaçırsız.

Əslində siz bizə düşmən kəsilən ölkələrin sarsaq dəyərlərini müdafiə edir, onların dolayısı ilə birbaşa siyasi pornoqrafiyasını ölkəmizə inteqrasiya edirsiniz. Bu çox təhlükəli siyasi istəkdir. Bu dövlət, bu xalq, bu millət heç vaxt buna imkan verməyəcək. Və sizin tükənmiş, bitmiş siyasi fəaliyyətiniz də bunun bariz nümunəsidir. Sizin bu cür davranışlarınız siyasi karyeranızı bitirib. Özünüzə kənardan baxa bilmirsiniz. İdarə edənləriniz sizə kənardan “bravo” deməklə aldanıb özünüzə təsəlli verirsiniz.

Əslində bu, siyasi impotentlikdir. Səbəbi dəyərsiz insanları dəyərlərimizə qarşı qoymaq, nəticəsiz siyasi fəaliyyətinizin zərbəsindən sizdə sinir pozğunluğu əmələ gəlib. Siyasi hormonlarınızın sıradan çıxması və . . .