Anemiyanın simptomları və müalicəsi

Anemiya bir çox insanlarda müşahidə olunan problemdir. Rusiyalı həkim Olqa Malinovskaya onun qarşısının alınması və müalicəsi ilə bağlı danışıb. Bu barədə gorvesti.ru yaxır.

"Anemiya oksigen daşınması üçün lazım olan qanda eritrositlərin çatışmazlığı səbəbindən inkişaf edir", - deyə həkim bildirib.

Həkim deyir ki, səbəblər qan itkisi, eritrositlərin vaxtından əvvəl dağılması və ya onların qida rasionunda dəmir çatışmazlığı və ya zəif mənimsənilməsi kimi səbəblərdən kifayət qədər sintez olunmaması ola bilər:

"Ən geniş yayılmış anemiya növü dəmir çatışmazlığı anemiyasıdır. Risk qrupuna vegetarianlar, hamilə qadınlar və güclü menstruasiyası olan qadınlar daxildir. Qadınlar fizioloji xüsusiyyətləri və müntəzəm qan itkisi səbəbindən anemiyadan daha çox əziyyət çəkirlər.

"Anemiyanı xarici əlamətlərə görə müəyyən etmək çətindir, lakin simptomlara yorğunluq, dəri solğunluğu, tezyorulma, dırnaqların kövrəkliyi, baş ağrıları və iş qabiliyyətinin azalması daxildir. Bu simptomlar olduqda terapevtə müraciət etmək və hemoqlobin, eritrositlər, dəmir, ferritin və transferrin səviyyələrini yoxlamaq tövsiyə olunur", - dedi Malinovskaya əlavə edib.

Həkim bildirir ki, anemiya təsdiqləndikdə qida rasionunu dəyişdirmək və dəmir və ya B9 və B12 vitaminləri olan preparatlar qəbul etmək lazımdır:

"Müalicəni həkim analiz nəticələrinə əsaslanaraq təyin edir. Anemiyanın qarşısını almaq üçün qırmızı ət, qaraciyər, yumurta sarısı, lobya, dəniz məhsulları, acı şokolad və yarpaq salatları kimi dəmirlə zəngin qidaları rasiona daxil etmək tövsiyə olunur".