Partiya sədrinin Novruz təəssüfləri: BİZ NİYƏ DİLİMİZƏ HÖRMƏT ETMİRİK?

17:47 23-03-2019 | icon 232 | Cəmiyyət
Partiya sədrinin Novruz təəssüfləri: BİZ NİYƏ DİLİMİZƏ HÖRMƏT ETMİRİK?

"Novruz bayramını Azərbaycanın gözəl bölgələrindən birində - Şimal bölgəsində qeyd etdim. Mənim fikrimcə, həqiqətən də Azərbaycan təbiətin gözəlliyinə görə dünyada birinci yerdədir. Təbiətin gözəlliyi haqqında çox yazmaq olar, amma bu yazı başqa bir mövzu ilə bağlıdır. Bir günlük Şahdağ istirahət mərkəzinə yollandım. Yeməkxanada qiymətlərlə tanış olanda bir daha özümü həqiqətən də “analoqu” olmayan bir dövlətdə hiss etdim".

 

Versus.Az-ın məlumatına görə, bunu ALDP sədri Fuad Əliyev Novruz bayramı təəssüratlarını sosial mediada bölüşərkən bildirib. Partiya sədri Şahdağ istirahət mərkəzindəki yeməkxananın qiymətlərindən yazıb:

 

"Balaca “pitsa” – 7 manatdır (4,12$). Vaşinqtonda 45 sm. “pitsa” 9$-a satılır. Bir “pitsa” 6 hissədən olanda, onda "Şahdağ"da bütöv “pitsanın” qiyməti 24,72$ edir. Birdəfəlik stəkanda çay – 3 manat, lavaşdan hazırlanmış balaca qutab – 2 manat və sair.

Müqaisə üçün Bakıda “pitsa” 45 sm. 8 manat, bir çaynik çay – 2 manat, normal ölçüdə qutab – 0,50 qəpikdir. Nəzərə alsaq ki, Bakıya ət, göyərti rayonlardan gətirilir, işçi qüvvə, yerin icarəsı rayonlardan daha çoxdur, bu məntiqlə "Şahdağ"da qiymətlər qat-qat ucuz olmalıdır. Deyə bilərlər ki, bura turizm mərkəzidir, ona görə qiymətlər belədir. Amma mən hesab edirəm ki, bu cür Turizm Mərkəzlərində qiymətlər birinci növbədə Azərbaycan vətəndaşları üçün əl çatan olmalıdır. 2-3 nəfərlik kiçik ailənin orada bir günlük istirahəti bir aylıq maaşa bərabərdir. Ona görə də bizim vətəndaşlar əsasən Gürcüstan, Ukrayna, Rusiyaya və Türkiyəyə dincəlmək üçün səfər edir. Bu ölkələrdə Turizm Mərkəzlərində olan qiymətlər öz vətəndaşları üçün də əl çatandır".

 

F.Əliyevin diqqətini çəkən ikinci məsələ Şahdağda çalışanların Azərbaycan dilinə qarşı ögey münasibəti olub:

 

"İnsanların və xüsusən uşaqların bir neçə dil bilmələrinin tərəfdarıyam. Bu, savadın, dünyagörüşün artması deməkdir. Amma Azərbaycan dilini mütləq bilmək lazımdır. Bu, bizim Azərbaycan Respublikasının Qanununda təsbit olunub. Şahdağ Turizm Mərkəzində işçilərin Azərbaycan vətəndaşları olduğuna baxmayaraq, əksəriyyəti Azərbaycan dilini bilmirlər. Onlara müraciət edəndə başqa dildə cavab verirdilər. Mənim təhsil nazirinə sualım var. Şimal bölgələrində təhsil alan şagirdlər ali məktəblərə Azərbaycan dilində imtahan verərkən göstəriciləri necə olub?

"Şahdağ Turizm Mərkəzi" - Azərbaycan Respublikasının Mədəniyyət və Turizm Nazirliyinin tabeliyindədir. Niyə nazirliyin əməkdaşları Azərbaycan dövlət dilinə hörmətsizlik edirlər, buna nəzarət etmirlər?"


ALDP sədri aidiyyatı şəxslərə mesaj olaraq hərkəsi Azərbaycan dövlət dilinə hörmət etməyə çağırıb və bir daha Azərbaycan dili haqqında qanunu xatırladıb:

 

"Maddə 1. Dövlət dilinin hüquqi statusu 1.1. Azərbaycan Respublikasının dövlət dili Azərbaycan Respublikası Konstitusiyasının 21-ci maddəsinin I hissəsinə müvafiq olaraq Azərbaycan dilidir. Dövlət dilini bilmək hər bir Azərbaycan Respublikası vatəndaşının borcudur".

 

F.Əliyev bu günlərdə Gürcüstan prezidentinin azərbaycanlılarla görüşündə dediyi sözlərə diqqət çəkib:

 

"Gürcüstan prezidenti dedi ki, "mən sizlərə çox şey demək istəyirəm, amma bunu rus dilində demək istəmirəm. Çünki dövlət dili gürcü dilidir". Bəs biz niyə öz dilimizi bilmirik, ona hörmət etmirik?"

 

LƏMAN
Versus.Az

Xəbər lenti

InvestAZ

Ən çox oxunan xəbərlər

“Qocalmadan problemi həll etmək istəyirsinizsə, mənim hakimiyyətə gəlməyimə sizlər də yardımçı olun” - MÜSAHİBƏ-3

MÜBARİZ MƏNSİMOVUN SUÇU

 

 

“Bu, düz bağırsaqda bədxassəli şişin yaranma riskini 9 % artırır”

Restoran və kafelərdə siqaret çəkənlərə ağlasığmaz CƏRİMƏ

Müəllimlərin işə qəbulu üzrə vakansiya seçimi mərhələsi yekunlaşıb

AXH: Hakimiyyətdən bu cür siyasətinə son qoymasını tələb edirik

AXH Qurultaya hazırlaşır

5 addımda arıqlama

Kənddə qulyabani ovu: həmin “naməlum varlıq” bu dəfə Çiyni sakinlərini “təqib edir” - FOTO

Ermənilər mövqelərimizi atəşə tutdu

"Asma körpü"nün bərpasi ücün rayon rəhbərliyinə müraciət edirəm

Azərbaycanın hərbi qulluqçuları Moskvada mükafatlandırılıb

Qənirə Paşayeva Kamerun, Nigeriya və Konqonun qadın nazirləri ilə görüşüb

Millət vəkilinin tanınmış qadın siyasətçiləri, QHT, KİV, təşkilat rəhbərləri ilə görüşü davam edir

Ulu öndər Heydər Əliyevin yaxın dostu Osman Gezekerin ailəsi Azərbaycana təşəkkür etdi