Nüvə fizikası ilə bağlı beynəlxalq seminar öz işinə başlayıb

16:14 08-04-2019 | icon 97 | Təhsil
Nüvə fizikası ilə bağlı beynəlxalq seminar öz işinə başlayıb

Bakı Dövlət Universitetində (BDU) “Birləşmiş Nüvə Tədqiqatları İnstitutu (BNTİ) ilə Azərbaycan arasında nüvə fizikası, elementar zərrəciklər fizikası və zərrəcik detektorları sahəsində əməkdaşlığın üfüqləri” mövzusunda beynəlxalq seminar öz işinə başlayıb.

Versus.az azərtac-a istinadən xəbər verir ki, Azərbaycan Milli Elmlər Akademiyası (AMEA), BNTİ və BDU-nun birgə təşkilatçılığı ilə keçirilən seminar aprelin 11-nə qədər davam edəcək.

Dünya şöhrətli alim, ABŞ-ın Merilend Universitetinin professoru, akademik Roland Saqdeyevin sədrliyi ilə keçirilən beynəlxalq seminarı giriş sözü ilə açan AMEA-nın Fizika-Riyaziyyat Texnika Elmləri Bölməsinin akademik katibi, Fizika İnstitutunun direktoru, akademik Nazim Məmmədov tədbirin dünya elminə verəcəyi töhfədən danışıb. Bildirib ki, beynəlxalq seminar ölkələr arasında elm sahəsində əlaqələrin inkişaf etdirilməsində mühüm rol oynayacaq.

BDU-nun rektoru Elçin Babayev Azərbaycan, Almaniya, Rusiya Federasiyası, Çex Respublikası və Polşanın nüfuzlu alimlərinin, tanınmış mütəxəssislərinin iştirakı ilə keçirilən, nüvə fizikası ilə bağlı aparıcı mütəxəssisləri bir araya gətirən seminarın əhəmiyyətini qeyd edərək onun işinə uğurlar arzulayıb.

BNTİ-nin direktor müavini Mixail İtkis çalışdığı qurumun fəaliyyəti haqqında ümumi məlumat verib. O, BNTİ-nin yüksək enerji fizikası laboratoriyasının bazasında 2013-cü ildə təməli qoyulan və 2020-ci ildə tikintisinin yekunlaşdırılması planlaşdırılan NICA (Nuclotron-based Ion Collider facility) mərkəzi haqqında geniş danışıb. M.İtkis bildirib ki, mərkəzin yaradılmasında məqsəd əvvəllər əlçatmaz olan zərrəcik fizikası sahəsində uğurlu tədqiqatlar aparmaqdır.

Sonra Roland Saqdeyev, Antiproton və ion tədqiqat mərkəzinin (FAIR) elmi direktoru və idarə heyətinin sədri Paolo Qubellino (Almaniya), Praqanın Eksperimental və Tətbiqi Fizika İnstitutunun direktoru İvan Stekl mövzu ətrafında çıxış ediblər.

Tədbir çərçivəsində BDU ilə Çex Texniki Universiteti nəzdindəki Eksperimental və Tətbiqi Fizika İnstitutu arasında əməkdaşlıq protokolu imzalanıb.

Beynəlxalq seminar ADA Universitetində “Nüvə və Yüksək enerji fizikası 21 əsrdə hara gedir?” mövzusunda dəyirmi masa ilə davam edəcək.

 

Versus.Az

 

Xəbər lenti

InvestAZ

Ən çox oxunan xəbərlər

İqbal Ağazadə hökumətə səsləndi-VİDEO

"Sovet İttifaqında doğulan hər kəs Rusiya vətəndaşlığı ala bilər" - BƏYANAT

Şəkidə çoxəsrlik çinar ağacı necə aşdı? /VİDEO/

“Nə yazıq ki, “Kərkük soyqırımı” ilə bağlı heç bir film çəkib səsimizi dünyaya duyura bilmədik”

Leyla Yunus Elçibəyi KQB agenti adlandırdı

“Belə mətbuatın nəyini təbrik edəsən?” - MÜSAHİBƏ

713-cü batalyonun döyüşçüləri Şəhidlər Xiyabanında olub

Füzuli Rzaquliyev Azərbaycan Xalq Cümhuriyyəti yaranması yubley medalı ilə təitif edilib

Yasəmən Qaraqoyunlu Türk soyqırımlarının tarixi-siyasi səbəblərini açıqladı

DGKA rəisi abituriyentlər və valideynlərlə görüşdü

Bu xəstəliyin ilkin mərhələsində həkimə müraciət mütləqdir

Xarici diplomat AXH-nin ofisinə polis basqısı ilə maraqlanıb

İnanılmaz: dənizdə boğulub "ölən" gənc ayıldı

Bir həftəyə xərçəngi yox edən MÖCÜZƏVİ VASİTƏ

“Azərbaycan mətbuatının ictimai fikrə təsir yükü var” - MÜSAHİBƏ