"Xalq hərəkatı", "Milli şura" kimi bər-bəzəkli adlarla insanları cəlb etmək istəyirlər" - MÜSAHİBƏ

09:43 09-04-2019 | icon 83 | Siyasət
"Xalq hərəkatı", "Milli şura" kimi bər-bəzəkli adlarla insanları cəlb etmək istəyirlər" - MÜSAHİBƏ

Siyavuş Novruzov: "Bəzilərinin 70 yaşı var, lakin hələ də öz yollarını tapa, nə istədiklərini özləri üçün aydın edə bilməyiblər"

 

 

Versus.Az Yeni Azərbaycan Partiyasının (YAP) icra katibinin müavini, Milli Məclisin İctimai birliklər və dini qurumlarla iş komitəsinin sədri Siyavuş Novruzovun müsahibəni təqdim edir.


- Siyavuş müəllim, son vaxtlar müxalifət düşərgəsi qalmaqalla, bir-birilərini təhqir etməklə gündəmə gəldi. Bununla bağlı Sizin fikirlərinizi öyrənmək istərdik.


- Bəli, doğru qeyd edirsiniz. Çox təəssüf doğuran mənzərədir. Azərbaycan müstəqillik qazanandan meydan hərəkatından başlayaraq həmişə separatçı mövqe tutmuş insanlar bir təşkilatdan çıxıb o birinə üzv olur və ya ayrı-ayrı təşkilatlar yaradırlar. Sanki bunlara ehtiyac var. "Xalq hərəkatı", "Milli şura" kimi hər cür bər-bəzəkli adlar tapırlar ki, insanları cəlb etsinlər. Ancaq hamısı eynidir, yəni burada kənar adamlar yoxdur, eyni insanlardır - digər partiyalardan uzaqlaşdırılmış, çıxarılmış, qovulmuş, yaxud köhnə təfəkkürdən, köhnə fikirdən uzaqlaşmamış insanlar. Bəzilərinin 70 yaşı var, lakin hələ də öz yollarını tapa bilməyiblər, nə istədiklərini özləri üçün aydın edə bilməyiblər.

Onlar cəmiyyətə hər hansı yeni ideya verməyiblər və verməkləri də mümkün deyil. Bu baxımdan da həmin insanlar arasında kəskin şəkildə fikir ayrılığı, qarşıdurmalar var və hər birində ciddi şəkildə mənəm-mənəmlik, özündənrazılıq düşüncəsi var.

Yaxşı ki, onların bu hərəkətləri internet vasitəsilə canlı yayımda göstərilir və insanlar vaxtilə Azərbaycana kimlərin rəhbərlik etdiyini və yenidən rəhbərlik etmək arzusunda olduğunu bir daha görürlər.

Bu insanlar ayrı-ayrı təşkilatların maliyyəsi hesabına Azərbaycanda təxribat yaratmaq, sabitliyi pozmaq, qanunsuzluğu təmin etmək məqsədi güdür. Onlarda şəxsi maraqlar, şəxsi iddialar o dərəcəyə çatıb ki, nəinki Vətən, xalq, dövlət haqqında, heç bir-birilərinə, yaxın ətraflarına güzəştə getmək haqqında belə düşünmürlər.

Təbii ki, Azərbaycan hüquqi dövlətdir və güclü hüquq-mühafizə orqanları var, o cümlədən Azərbaycan cəmiyyəti, Azərbaycan xalqı öz prezidenti ilə bir yerdədir və dövlət başçısının siyasətini dəstəkləyir.


- Son günlər bəzi müxalifət nümayəndələrinin də Azərbaycanda aparılan islahatları dəstəklədiyi müşahidə olundu. Sizcə, bunun səbəbi nədir?


- Onlar artıq anlayırlar ki, düzgün yolda deyillər. Nə qədər insanı çaşdırmağa çalışdılar ki, guya bunlar mitinq etdilər, nümayiş keçirdilər, hansısa bəyanat verdilər və dövlət də filan addımları atdı. Həmin müxalifət nümayəndələri ancaq söyüş, qışqır-bağır və digər oxşar vasitələrlə gündəmə gəlirlər. Onlara heç öz yaxın ətrafındakılar əhəmiyyət vermir, o ki qaldı onların sözü ilə dövlət nəsə etsin.

Dövlət ardıcıl olaraq sosial sahədə addımlar atır. Bu sosial siyasəti həyata keçirmək üçün birinci növbədə iqtisadi baza lazımdır. İkincisi, ictimai-siyasi sabitlik yaratmaq, üçüncüsü isə digər dövlətlərlə qarşılıqlı münasibət qurmaq lazımdır. Dövlət bunu edir və bütün lazımi sosial, iqtisadi islahatları həyata keçirir. Bütün bunlar bilavasitə xalqın maraqlarına xidmət edir və xalq tərəfindən, ziyalılar tərəfindən, həmçinin müxalifətdə olan ayrı-ayrı insanlar tərəfindən dəstəklənir. Bunların içində xaricdə olan da var, Azərbaycanda olan da. Onlar başa düşürlər ki, Azərbaycanda xalq-iqtidar birliyi var, ölkədə hər hansı böyük dövlətin, təşkilatın deyil, xalqın maraqları ifadə olunur.


- Siyavuş müəllim, dəfələrlə Milli Məclisdə müxalifət partiyalarının maliyyə hesabatı verməməsini və bununla bağlı qanun çərçivəsində tədbirlər görülməsini qaldırmısınız. Bununla bağlı məsələ nə yerdə qalır?


- Bəli, biz bu məsələni qaldırmışıq, yaz sessiyasında da qanunvericiliyə daxil etmək fikrimiz var və mütəmadi şəkildə bu məsələyə toxunuruq ki, şəffaflıq təmin olunsun. Şəffaflıq yoxdursa, deməli, hansısa ölkələr, təşkilatlar, qruplar o insanları maliyyələşdirir və nəticə etibarilə də onlara xüsusi tapşırıqlar verir – ictimai-siyasi sabitliyi pozmağa cəhd, qarşıdurma yaratmaq. Ona görə də hər bir siyasi partiyanın büdcəsi şəffaf olmalıdır. Mərkəzi Seçki Komissiyasına hesabat verməlidirlər, o cümlədən ictimaiyyət qarşısında. Əgər şəffaflıq tələb edirlərsə, birinci növbədə bunu özlərində göstərməlidirlər. Heç yerdə işləməyən, lakin komfort həyat yaşayan, cangüdənlərlə gəzən bu insanlar bir belə pulu haradan alır? Buna görə də bütün siyasi partiyalar hesabat verməlidir. /trend/

 

Versus.Az

Xəbər lenti

InvestAZ

Ən çox oxunan xəbərlər

İqbal Ağazadə hökumətə səsləndi-VİDEO

"Sovet İttifaqında doğulan hər kəs Rusiya vətəndaşlığı ala bilər" - BƏYANAT

Şəkidə çoxəsrlik çinar ağacı necə aşdı? /VİDEO/

“Nə yazıq ki, “Kərkük soyqırımı” ilə bağlı heç bir film çəkib səsimizi dünyaya duyura bilmədik”

Leyla Yunus Elçibəyi KQB agenti adlandırdı

713-cü batalyonun döyüşçüləri Şəhidlər Xiyabanında olub

“Belə mətbuatın nəyini təbrik edəsən?” - MÜSAHİBƏ

Füzuli Rzaquliyev Azərbaycan Xalq Cümhuriyyəti yaranması yubley medalı ilə təitif edilib

Yasəmən Qaraqoyunlu Türk soyqırımlarının tarixi-siyasi səbəblərini açıqladı

DGKA rəisi abituriyentlər və valideynlərlə görüşdü

Bu xəstəliyin ilkin mərhələsində həkimə müraciət mütləqdir

Xarici diplomat AXH-nin ofisinə polis basqısı ilə maraqlanıb

İnanılmaz: dənizdə boğulub "ölən" gənc ayıldı

Bir həftəyə xərçəngi yox edən MÖCÜZƏVİ VASİTƏ

“Azərbaycan mətbuatının ictimai fikrə təsir yükü var” - MÜSAHİBƏ