Bakıda “Azərbaycan və Böyük Britaniya əməkdaşlığının 100 illiyi” kitabının təqdimatı olub

18:16 12-04-2019 | icon 127 | Ədəbiyyat
Bakıda “Azərbaycan və Böyük Britaniya əməkdaşlığının 100 illiyi” kitabının təqdimatı olub

Bakıda “Azərbaycan və Böyük Britaniya əməkdaşlığının 100 illiyi” kitabının təqdimat mərasimi keçirilib.

Versus.Az xəbər verir ki, kitabın müəllifi, SOCAR-ın vitse-prezidenti Rəfiqə Hüseynzadə Britaniyanın "Senate Publishing" nəşriyyatı tərəfindən çap olunan əsər barədə ətraflı məlumat verib. R.Hüseynzadə bildirib ki, bu kitabda Azərbaycan ilə Böyük Britaniya arasındakı münasibətlərin bütün sahələrinə dair məlumatlar yer alıb:

"Kitabda Azərbaycan ilə Böyük Britaniya münasibətləri, eyni zamanda Azərbaycanın tarixi, mədəni irsi haqqında məlumat verilir. Azərbaycan-Böyük Britaniya münasibətlərinin müasir tarixi öz başlanğıcını keçən əsrin 90-cı illərinin əvvəllərindən götürsə də, qısa müddət ərzində iki ölkə arasında əlaqələrin inkişaf etdirilməsi baxımından yüksək tarixi nailiyyətlər əldə olunub. 1993-cü ildən başlayaraq yüksələn xətt üzrə münasibətlərimizin inkişafı siyasi, iqtisadi, mədəniyyət, təhsil və idman sahələrində müsbət çalarlarla öz əksini tapmışdır. Hazırda ümummili lider Heydər Əliyevin layiqli davamçısı İlham Əliyev tərəfindən bu siyasət uğurla davam etdirilməkdədir. Son illərdə iki ölkə arasında qurulmuş strateji münasibətlər bunun bariz nümunəsidir".

Xarici işlər nazirinin müavini Ramiz Həsənov isə çıxışında Azərbaycan ilə Böyük Britaniya arasındakı əlaqələrin tarixindən danışıb. R.Həsənov bildirib ki, bu əlaqələrin dərin tarixi kökləri var: "Böyük Britaniya Azərbaycanın müstəqilliyini tanıyan ilk Qərb ölkələrindən biri olub. Ulu öndər Heydər Əliyevin 1994-cü ildə Böyük Britaniyaya səfəri ilə iki ölkə arasında münasibətlər daha da dərinləşdi. Bu gün bu münasibətlər Prezident İlham Əliyev tərəfindən davam etdirilir".

Ölkələrimiz arasında əlaqələrin daha çox enerji sahəsi ilə bağlı olduğunu deyən R.Həsənov bu münasibətlərin digər sahələrdə də inkişaf etdiyini bildirib.

Azərbaycan Respublikası Prezidentinin ictimai-siyasi məsələlər üzrə köməkçisi Əli Həsənov tədbirdə çıxış edərək ölkələrimiz arasındakı əlaqələrin tarixindən və müasir inkişaf səviyyəsindən danışıb. Ə.Həsənov qeyd edib ki, Azərbaycan və Böyük Britaniya münasibətləri digər Avropa ölkələri üçün nümunədir.

"Senate Publishing" nəşriyyatının rəhbəri, Lordlar Palatasının üzvü Devid Evans isə çıxışında qeyd edib ki, Azərbaycanda Böyük Britaniyanın 500-ə yaxın şirkəti fəaliyyət göstərir: "Əminik ki, səmimi dostluğa söykənən bu münasibətlər bundan sonra da davam etdiriləcək".

 

Versus.az

Xəbər lenti

InvestAZ

Ən çox oxunan xəbərlər

İqbal Ağazadə hökumətə səsləndi-VİDEO

"Sovet İttifaqında doğulan hər kəs Rusiya vətəndaşlığı ala bilər" - BƏYANAT

Şəkidə çoxəsrlik çinar ağacı necə aşdı? /VİDEO/

“Nə yazıq ki, “Kərkük soyqırımı” ilə bağlı heç bir film çəkib səsimizi dünyaya duyura bilmədik”

Leyla Yunus Elçibəyi KQB agenti adlandırdı

“Belə mətbuatın nəyini təbrik edəsən?” - MÜSAHİBƏ

713-cü batalyonun döyüşçüləri Şəhidlər Xiyabanında olub

Füzuli Rzaquliyev Azərbaycan Xalq Cümhuriyyəti yaranması yubley medalı ilə təitif edilib

Yasəmən Qaraqoyunlu Türk soyqırımlarının tarixi-siyasi səbəblərini açıqladı

DGKA rəisi abituriyentlər və valideynlərlə görüşdü

Bu xəstəliyin ilkin mərhələsində həkimə müraciət mütləqdir

Xarici diplomat AXH-nin ofisinə polis basqısı ilə maraqlanıb

İnanılmaz: dənizdə boğulub "ölən" gənc ayıldı

Bir həftəyə xərçəngi yox edən MÖCÜZƏVİ VASİTƏ

“Azərbaycan mətbuatının ictimai fikrə təsir yükü var” - MÜSAHİBƏ