"Demoqrafik keçidin Azərbaycanda hamar olacağı gözlənilir"

08:14 17-04-2019 | icon 73 | Siyasət
"Demoqrafik keçidin Azərbaycanda hamar olacağı gözlənilir"

BMT-nin Əhali Fondunun (UNFPA) eksperti, Azərbaycanda milli transfert hesablarının (NTA) yaradılması üzrə müvafiq dövlət müəssisələrinin potensialının artırılmasına cavabdeh olan Robert İvan Qal Trend-ə özəl müsahibəsində deyib ki, demoqrafik keçidin Azərbaycanda hamar olacağı gözlənilir.

 

O bildirib ki, milli transfert hesabları yaş komponentini milli uçot sisteminə əlavə edir:

“NTA bütün iqtisadiyyata aid olur, amma iqtisadiyyatı müxtəlif yaşlı insanlar arasında axınlar kimi təsvir edir. Burada diqqət mərkəzində yaşlı insanlardır. Biz Azərbaycanda NTA layihəsi üzərində işləyirik və bu sahəyə aid bəzi təkliflər bu layihənin nəticələrinə əsaslanacaq. Bundan sonra Azərbaycan hökuməti gələcək planlarla bağlı qərar qəbul edəcək”.

 

Azərbaycanda NTA-nın yaradılması prosesindən danışan ekspert bildirib ki, söhbət müvafiq statistik məlumatların təkrar təşkilindən gedir:

“Biz Azərbaycan Dövlət Statistika Komitəsinin təqdim etdiyi rəsmi statistikaya əsaslanırıq. Mən yerli komandaya məsləhətlər verməklə məşğulam. Bu komanda mövcud statistik məlumatları təkrar qruplaşdırmalıdır, eyni zamanda yeni statistikanın yaradılması planlaşdırılmır. Bu baxımdan Azərbaycanda çox rahatdır, çünki ölkənin statistika xidmətlərinin inzibati imkanları kifayət qədər yüksək səviyyədədir və onlar yüksək səviyyəli statistik xidmətlər təklif edirlər. Son iki gün ərzində biz baza təlimləri keçmişik və bu ilin sonunadək ilkin nəticələrin əldə olunmasını və layihə üzrə ilk hesabatın hazırlanmasını gözləyirik”.

 

Ekspert həmçinin qeyd edib ki, yaxın gələcəkdə Azərbaycanda demoqrafik keçid hamar olacaq. O, Azərbaycanın 10 milyonuncu sakinin doğulması münasibətilə də təbriklərini çatdırıb.

 

R.İ.Qal əlavə edib ki, NTA layihəsi müvafiq sahədə siyasətin formalaşması üçün statistik əsas yaradır və yeni göstəricilər, o cümlədən yaşlı nəslə dəstək əmsalı indeksini hazırlamağa imkan verir:

“Faktiki olaraq, hazırda istifadə edilən və yaş qruplarının sayını müqayisə edən dəstək əmsalı süni yanaşmadır. Bu göstəricilər ölkələrdən asılı olaraq dəyişir. Bəzi ölkələrdə əhali qismən gec qocalır, digər ölkələrdə əhali daha gənc yaşlarda qocalır. Bu göstərici də vaxt keçdikcə dəyişir. NTA vasitəsilə biz qocalma prosesini daha yaxşı əks etdirən göstəricilər hazırlaya bilərik”.

 

Ekspert qeyd edib ki, bu layihə 20 il əvvəl ABŞ-da kiçik işçi qrupu kimi başlamışdı. İndi isə bu layihə 80-ə yaxın ölkəni əhatə edir və NTA statistika standartı BMT tərəfindən qəbul edilib.

Xəbər lenti

InvestAZ

Ən çox oxunan xəbərlər

İqbal Ağazadə hökumətə səsləndi-VİDEO

"Sovet İttifaqında doğulan hər kəs Rusiya vətəndaşlığı ala bilər" - BƏYANAT

Şəkidə çoxəsrlik çinar ağacı necə aşdı? /VİDEO/

“Nə yazıq ki, “Kərkük soyqırımı” ilə bağlı heç bir film çəkib səsimizi dünyaya duyura bilmədik”

Leyla Yunus Elçibəyi KQB agenti adlandırdı

713-cü batalyonun döyüşçüləri Şəhidlər Xiyabanında olub

“Belə mətbuatın nəyini təbrik edəsən?” - MÜSAHİBƏ

Füzuli Rzaquliyev Azərbaycan Xalq Cümhuriyyəti yaranması yubley medalı ilə təitif edilib

Yasəmən Qaraqoyunlu Türk soyqırımlarının tarixi-siyasi səbəblərini açıqladı

DGKA rəisi abituriyentlər və valideynlərlə görüşdü

Bu xəstəliyin ilkin mərhələsində həkimə müraciət mütləqdir

Xarici diplomat AXH-nin ofisinə polis basqısı ilə maraqlanıb

İnanılmaz: dənizdə boğulub "ölən" gənc ayıldı

Bir həftəyə xərçəngi yox edən MÖCÜZƏVİ VASİTƏ

“Azərbaycan mətbuatının ictimai fikrə təsir yükü var” - MÜSAHİBƏ