"Qəsdən təxribat törədirlər ki, polis bu məsələlərə müdaxilə etsin"

09:54 11-05-2019 | icon 43 | Siyasət
"Qəsdən təxribat törədirlər ki, polis bu məsələlərə müdaxilə etsin"

Versus.Az musavat.com-a istinadən xəbər verir ki, YAP icra katibinin müavini, Milli Məclisin komitə sədri Siyavuş Novruzov “Yeni Müsavat”a müsahibəsində indiki həssas mərhələdə müxalifətin mitinqlərinə icazə verilməməsinin səbəbləri barədə danışıb.

 

O bildirib ki, hər dəfə Bakı Şəhər İcra Hakimiyyəti məlumatlandırır ki, bunlar götürdüyü öhdəlikləri yerinə yetirmir:

“Burada hər hansı təxribat ola bilər və təxribata görə sərbəst toplaşma ilə əlaqədar bəzi məsələləri qeyd edir. Lakin onlar ardıcıl şəkildə əllərində bir fakt olsun deyə, bu məsələni qabardırlar. Müxtəlif bəhanələri ortaya atırlar ki, Avropa İttifaqı ilə imzalanacaq sənədə kölgə salsınlar”. 

 

"Avropa İttifaqı ilə imzalanacaq sənədə kölgə salmaq istəyirlər"

S.Novruzov həmçinin bildirib ki, mitinq keçirəndə müxalifətin özlərinin təxribat törədəcəkləri, sonra bunu iqtidarın üzərinə atacaqları versiyası var. Bu, ən ciddi məsələdir:

 

“Bunlar da hansı partiyanın tərəfdarı olmasına baxmayaraq, Azərbaycan vətəndaşlarıdır, Azərbaycan dövləti onların təhlükəsizliyini müdafiə edir. O baxımdan da dövlət maraqlıdır ki, onlar təhlükəsiz yaşasınlar, çalışsınlar, fəaliyyət göstərsinlər. İkincisi də mitinqi təşkil edənlər həmişə xəbərdarlığa imza atırlar. “Sərbəst toplaşma haqqında” Qanunda var ki, milli, dini ayrı-seçkilik, dini, milli qarşıdurma, silahlı çevriliş, dövlət çevrilişinə cəhd çağırışlarına yol verilməsin. Lakin öhdəlik götürmələrinə baxmayaraq, onlar hər dəfə bu öhdəliyi pozurlar, qəsdən təxribat törədirlər ki, polis bu məsələlərə müdaxilə etsin. Lakin polis səbirlə davranır və imkan vermir ki, bunlar təxribatdan bəhrələnsinlər. Beləliklə, onlar öz öhdəliklərinə əməl etmədikləri üçün növbəti mitinqlərə Bakı Şəhər İcra Hakimiyyəti tərəfindən icazə verilmir”.

 

“Mitinq qadağası Azərbaycana qarşı dost olmayan xarici qüvvələr tərəfindən istifadə olunur”

 

Bəs hansısa müxalifətçilər mitinqdə təxribat törədə bilərlərmi? Yaxud da tamamilə kənar qüvvə mitinqdə təxribat törədib müxalifətin və ya hakimiyyətin üzərinə ata bilərmi?

Pənah Hüseyn ile ilgili görsel sonucu

Azərbaycan Xalq Partiyasının sədri Pənah Hüseyn “Yeni Müsavat”a bildirdi ki, Milli Məclisin komitə sədri ehtimallarla danışmamalıdır. Qanun bu məsələləri konkret şəkildə tənzimləyir. Əgər ölkədə vətəndaşların hüquq və azadlıqlarının təmin olunması, yaşaması və fəaliyyəti üçün belə təhdidlər varsa, bu məsələ də aydın deyilməlidir, ehtimallar şəklində səslənməməlidir:

 

“Konkret olaraq isə bu cür fikirlər YAP-ın bir sıra deputatlarına xas olan heç bir fakta əsaslanmayan antimüxalifət fikirlərdən biridir. Müxalifət faktiki olaraq şərlənir. Tamamilə əsassız, heç bir əsası olmayan söhbətdir. Sərbəst toplaşmaq azadlığının pozulmasına haqq qazandırmaq üçün müxalifətə qarşı irəli sürülən fikirlərdir. Arzu edərdik və tələbimiz də ondan ibarətdir ki, məsələlərə ciddi yanaşılsın. Sərbəst toplaşmaq azadlığı sahəsindəki hazırkı vəziyyət Azərbaycana qarşı heç də dost olmayan xarici qüvvələr tərəfindən istifadə olunur. Həmin dost olmayan tərəflərin əlindən bəhanəni almaq üçün sərbəst toplaşmaq azadlığı təmin olunmalıdır”.

 

“Müxalifətin dövlət çevrilişi hazırladığını bəyan edib, siyasi təşkilatların fəaliyyətinə qadağa qoysunlar”

 

Ä°lgili resim

VİP sədri Əli Əliyev isə qeyd etdi ki, hökumətin əlində müxalifətçilərin öz mitinqlərində təxribat törədəcəkləri barədə informasiya varsa, o zaman “bu niyyətdə olanları nə səbəbdən neytrallaşdırmırlar” sualı meydana gəlir:

 

“Səyavuş müəllimin təxəyyülünün zənginliyindən xəbərdar idim, amma bu dərəcədə yox. Əvvəla, müxalifət öz tədbirində təxribat nədən törətməlidir, məqsəd nə ola bilər? Əgər təxribat lazımdırsa, müxalifət təxribatçıdırsa, onu niyə mitinqdə etməlidir? Müxalifət iqtidara belə şans yaradırsa, nədən hakimiyyət belə göydəndüşmə imkandan istifadə etmir? Səyavuş müəllim belə məlumata malikdirsə, o zaman bu niyyətdə olanları nə səbəbdən neytrallaşdırmırlar?

Nə isə... Cavab verməyə çətinlik çəkəcəkləri suallar çoxdur. Mənim bir məsləhətim var iqtidar nümayəndələrinə. Belə xırdaçılığa getməyin. Konstitusiyanın tanıdığı hüquqlardan çəkindiklərindən xəbərdarıq. Elə birdəfəlik müxalifətin dövlət çevrilişi hazırladığını bəyan edib, siyasi təşkilatların fəaliyyətinə qadağa qoysunlar”.

 

Versus.Az

Xəbər lenti

InvestAZ

Ən çox oxunan xəbərlər

“Fuad Abbasovu aradan götürmək istəyirlər”

"Fuad Abbasov kimi həmyerlilərimizə arxa durmalı, dəstək verməliyik"

Laçınsız 27 il - “İnşallah bir gün qələbə müjdəsi ilə gələrik ziyarətinizə”

“Bir qrup adamın Brüsseldəki hərəkətləri ziyanlı və biabırçıdır”

Laçınlılar Xosrov bəy Sultanovun xatirəsini andılar

Keçmiş döyüşçülər: "Ali baş komandanın əmrini gözləyirik

Erməni Xocalıda Azərbaycan uşaqlarının qanı ilə pərvazlanır...

Hər il zorlanır, hər il hamilə qalır LAÇIN...

"İki ölkə arasında münasibətlərə zərər verən bu kimi addımların qarşısı alınmalıdır"

YAP-çı deputat: “Fuad Abbasov qanı erməni qanına qarışmış azərbaycanlı diaspor nümayəndələrinin vasitəsilə saxlanılıb”

"Laçın hələ işğal edilməmişdən mənim işğala görə həbsim ssenariləşdirilmişdi" - MÜSAHİBƏ

Əmək məzuniyyətinin verilmə vaxtı dəyişdirilə bilər

“Ailəmi dolandırmaq üçün xəstəliklərin yayıldığı Yəmənə getməyə məcbur oldum”

“Fuad Abbasovun deport olunması məqsədilə saxlanılmasını qınayırıq”

“…Özünü beynəlxalq təşkilatlara göstərib, qrant güdür” - Müsahibə