Cəbrayıllı toxucular qədim Qarabağ xalçalarına yeni həyat verir

17:02 16-05-2019 | icon 135 | Cəmiyyət
Cəbrayıllı toxucular qədim Qarabağ xalçalarına yeni həyat verir

“Azərxalça” Açıq Səhmdar Cəmiyyətinin Biləsuvar rayonu ərazisində məskunlaşmış Cəbrayıl rayonundan olan məcburi köçkünlər üçün yaradılan filialında 150 kavadratmetrə yaxın xalça toxunub.

 

Versus.Az xəbər verir ki, “Azərxalça” Açıq Səhmdar Cəmiyyətinin mətbuat xidmətindən  verilən məlumata görə, “Azərxalça” Açıq Səhmdar Cəmiyyətinin ötən il fəaliyyətə başlayan xalça istehsalı emalatxanalarından biri də Cəbrayıl filialıdır.

Prezident İlham Əliyevin “Biləsuvar rayonunda xalça istehsalı emalatxanasının tikintisi, təchizatı və infrastrukturunun yaradılması ilə bağlı tədbirlər haqqında” 3 aprel 2018-ci il tarixli Sərəncamı qısa müddət ərzində uğurla icra olunub.

Biləsuvar rayonu ərazisində məskunlaşmış Cəbrayıl rayonundan olan məcburi köçkünlər üçün yaradılan filial binasında tikinti işləri yüksək keyfiyyətlə başa çatdırılıb, 2018-ci ilin dekabr ayından burada məhsul istehsalına başlanılıb. Filial öz fəaliyyətini günü-gündən genişləndirir.

“Azərxalça” Açıq Səhmdar Cəmiyyəti İdarə Heyətinin sədri Vidadi Muradov Cəbrayıl filialında olub, istehsal prosesi ilə maraqlanıb, toxucularla görüşüb.

Filialın direktoru, əslən Qarabağdan olan xalçaçı Eliza Abdullayeva məlumat verib ki, hazırda emalatxanada 65 nəfər çalışır. Ötən dövr ərzində filialda 150 kavadratmetrə yaxın xalça toxunub.

E.Abdullayeva deyib ki, bu filialın yaradılması məcburi köçkünlərin işlə təmin olunması baxımından çox əhəmiyyətli hadisədir.

 

Filial direktoru onlara yaradılan şəraitə görə, bütün toxucular adından Azərbaycan Prezidenti İlham Əliyevə minnətdarlığını ifadə edib.
Səhmdar Cəmiyyətin İdarə Heyətinin sədri V.Muradov deyib ki, ölkəmizdə xalçaçılığın inkişafı istiqamətində mühüm tədbirlər həyata keçirilir. Prezident İlham Əliyevin qayğısı ilə Azərbaycan xalçaçılığı yeni inkişaf dövrünü yaşayır. Son illər respublikamızın bölgələrində 20 xalça istehsalı emalatxanası fəaliyyətə başlayıb. Bu yaxınlarda Azərbaycan Prezidenti İlham Əliyevin və birinci xanım Mehriban Əliyevanın iştirakı ilə “Azərxalça”nın Qobustan filialının açılışı olub.

Bu ərazidə xalça emalatxanasının yaradılmasının əhəmiyyətindən danışan İdarə Heyətinin sədri bildirib ki, Qarabağ tarixən dünyada həm də öz xalçası ilə tanınıb. Ermənistanın işğalçılıq siyasəti nəticəsində öz doğma yurdundan didərgin düşərək məcburi köçkünə çevrilən insanlar arasında peşəkar xalçaçılar, ömrünü bu sənətə bağlayanlar vardır. Ona görə də həm Qarabağ xalçaçılığını yaşatmaq, həm də məcburi köçkünləri işlə təmin etmək məqsədilə sərhəd bölgələrində, məcburi köçkünlərin məskunlaşdıqları şəhər və rayonlarda xalça istehsalı emalatxanaları tikilir. Təsadüfi deyil ki, "Azərxalça"nın ilk filialı Füzuli rayonunun Horadiz şəhərində yaradılıb. Bundan sonra Ağdam rayonunun Quzanlı qəsəbəsində xalça emalatxanası fəaliyyətə başlayıb. Ötən il isə Biləsuvar rayonu ərazisində məskunlaşan Cəbrayıl rayon sakinləri üçün xalça emalatxanası inşa olunub. Bu proses gələcəkdə də davam etdiriləcəkdir.
V.Muradov tarixən Cəbrayıl rayonu ərazisində zəngin çeşnili Qarabağ xalçalarının toxunduğunu bildirib.

Qeyd olunub ki, burada çalışan peşəkar toxucular qədim çeşnilərimizə yeni həyat verərək Qarabağ xalçalarını yaşadır, onların tarixi şöhrətini özünə qaytarırlar.

İdarə Heyətinin sədri kollektivə fəaliyyətində uğurlar arzulayıb. Sonra emalatxanaya baxış olub, indiyə qədər toxunan xalçaların keyfiyyəti dəyərləndirilib, istehsal prosesi ilə bağlı müvafiq tapşırıqlar verilib./trend/

 

Versus.Az

Xəbər lenti

InvestAZ

Ən çox oxunan xəbərlər

Çində koronavirusa yoluxanların sayı 68,5 minə çatıb

Münhendə Ermənistan-Azərbaycan Dağlıq Qarabağ münaqişəsinə dair panel-müzakirələr keçirilib- VİDEO

Bakı milyonçusunun “Quran” oxuya bilməyən qızının taleyi necə dəyişdi? - FOTO

Mayk Tayson Uaylder – Fyuri görüşünün promoçarxını təqdim etdi - VİDEO

5 ölkə İrandan təcili kompensasiya ödəməyi tələb edib

“Milyon da təklif etsələr, toyda aparıcılıq etmərəm”

Azərbaycanı təmsil edən idmançı Avropanın ən yaxşısı seçildi - FOTO

Gürcüstanda rusiyalı turistlər qar uçqunu altında qalıb

Gəncədə şəhidimizin dəfn mərasimi keçirilir - FOTO - VİDEO - YENİLƏNİR

“Seçki ilə bağlı belə bir qanuna ehtiyac var” - MÜSAHİBƏ

Bakı Sumqayıt şossesində yol qəzası baş verib

 Qalib namizədlər  fəaliyyət planlarını açıqladı

İlk peşə-ixtisas təhsili müəssisələrinin şagirdləri üçün buraxılış imtahanı keçirilir

Qəbul imtahanının ikinci mərhələsi üzrə sınaq imtahanları
 

“Bunun nəticəsində хəstəni şikəst еdən zədələr baş vеrir”