14 yaşlı taekvandoçumuzun arzusu

12:19 02-06-2019 | icon 65 | Uşaq Dünyası
14 yaşlı taekvandoçumuzun arzusu

Elçin Həsənov: “Məqsədim Azərbaycanımız üçün qələbə qazanmaqdır”

 

İdman uşaq və yeniyetmələrin tərbiyəsində gözəl bir məktəbdir. İdman insana qarışıq maraqların dar çərçivəsindən çıxmağa kömək edir. O, uşaqların daxili aləmini də zənginləşdirir - nəinki fiziki inkişafa, həmçinin mənəvi inkişafa da yol açır, onlara ətraf mühitlə normal münasibətlər yaratmağa kömək edir. İdmanla mütəmadi məşğul olmaq yeniyetmə və gənclərdə sağlam tələbatın formalaşması üçün vacibdir.

 

Ümumiyyətlə, uşaqların idman və musiqiyə məktəb vaxtlarından maraq göstərməsi və mənimsəmək həvəsinin olması müsbət haldır. Hələ bu sahələrdə uğurlar əldə etmək üçün yarışlarda iştiraka can atması, yaxşı mənada fərqlənmək istəyi varsa, deməli gələcəyin idmançısı, musiqiçisi yetişir.

 

Ağcəbədi rayon 3 saylı liseyin 8-ci sinif şagirdi Həsənov Elçin Zabil oğlu da özünü idmanda tapan uşaqlardandır. Anası Raifə xanım Quliyeva danışır ki, Elçin hələ 3 yaşındaykən böyük uşaqların idman etdiyini görəndə onların hərəkətlərini həvəslə, dayanmadan təkrarlayırmış. Valideynlər o vaxtdan hiss ediblər ki, bu uşaq artıq gələcək yolunu müəyyənləşdirib. Amma müəllimlər bu yaşda hələ tez olduğunu deyiblər.

 

Elçin böyüdükcə əvvəlcə şahmata marağı yaranıb. 4 il şahmat məktəbinə gedib. Amma fiziki güclü olmaq istəyi daha çox olduğundan idman növünü dəyişib və taekvandonu seçib. Elə bu idman növü ilə də uğurlara imza atıb. Gəncə rayonunda açıq 1-cilik yarışında 2-ci yerin, Beyləqan Beyləqan rayon çempionatı və Qəbələ rayonlarında 1-ci, Göyçayda 3-cü yerlərin qalibi olub.

 

Sonrakı yarışlarda Qəbələ turnirində 3-cü, Yevlax rayonlar arası yarışda 2-ci, Ağcabədidə 1-ci, Taxta körpü rayonlar arası yarışda Göyçayda şəhidlərin adı ilə bağlı Bakı Azərbaycan çempionatında 3-cü yeri tutub.

 

Müəllimi Tapdıq Əkbərov Elçinin öz üzərində ciddi məşğul olmasından dolayı ümid edir ki, o, hələ daha böyük qələbələrə imza atacaq.

 

Elçin deyir ki, idmançılarımızın Azərbaycan bayrağını yarışlarda qalib kimi qaldırması anı hər zaman fəxrlə və gözyaşı sevinciylə izləyir, özünü onların yerində görür. Məqsədi də dünya yarışlarına qatılmaq, belə bir böyük uğura imza atmaqdır:

“Mən yaxşı bilirəm ki, mənim qazanacağım qələbələr Azərbaycanın qələbəsi sayılacaq. Yəni məqsədim Azərbaycanımız üçün qələbə qazanmaqdır. Bunun özünü düşünmək belə sevinclidir”.

 

Versus.Az

Xəbər lenti

InvestAZ

Ən çox oxunan xəbərlər

İsmayıllının Basqal kəndində uyuyan ŞƏHİD

İki hərəkat arasında ilkin razılıq əldə edilib

Elmi adların və dərəcələrin verilməsi prosedurları sadələşdirildi

Deputat türk dünyası şairləri, yazar və aydınlarına çağırış edib

“Türkmənlərin yaşadıgı bölgələrdə taxıl sahələri şüurlu şəkildə yandırılır” /VİDEO

Tovuzda “Açıq Əyləncəvi Futbol Məktəbləri” layihəsinin tədbiri keçirilib

Qənirə Paşayeva Milli Qurtuluş günü ilə bağlı geniş məruzə edib

"MİRİBİŞ AĞA"NIN QALOŞU

"Müharibə qaçılmaz olarsa..."

Bakı Beynəlxalq Qadınlar Klubunun 25 illik yubileyi keçirilib

Azərbaycana qızıl hərflərlə yazılan tarix- 15 iyun

 

AVMVİB və 713-cü batalyonun döyüşçüləri Qurtuluş Günündə

Aprel şəhidinin xatirəsinə həsr olunan sənədli film - TƏQDİMAT

Bu şəxslərə verilən müavinətin məbləği artırılıb

Avronun üzərinə Rəsulzadənin şəkli vuruldu