"Mədəniyyət çox böyük bir silahdır"

17:45 26-06-2019 | icon 19 | Mədəniyyət
"Mədəniyyət çox böyük bir silahdır"

Ölkə rəhbərinin diqqət və qayğısı mədəniyyət və incəsənət sahəsindən də yan keçmir. Dövlətin diqqəti incəsənətimizi inkişaf etdirir, sənət adamlarını yeni yaradıcılığa ruhlandırır. Təsadüfi deyil ki, bu gün musiqimiz, mədəniyyətimiz beynəlxalq aləmdə tanınır və layiqincə təbliğ edilir.

 

Bu gün Azərbaycan bütün sahələr üzrə inkişaf edir. Şəhərlərimiz müasirləşir, insanların rifahı yüksəlir. Bu inkişaf tanınmış sənətçilərin, ziyalıların da ürəyincədir. Ümumiyyətlə, Prezident İlham Əliyevin islahatları mədəniyyət xadimləri tərəfindən yüksək qiymətləndirilir və məmnunluqla qarşılanır.

 

Versus.Az xəbər verir ki, xalq artisti, tanınmış dirijor Yalçın Adıgözəlov "PREZİDENT. Müstəqillik. Təhlükəsizlik. Rifah" videolayihəsi çərçivəsində Trend-ə açıqlamasında bildirib ki, mədəniyyət sahəsində uğura zəmanət verən dövlət və onun başçısıdır:

"Prezident İlham Əliyevlə yanaşı, birinci xanım Mehriban Əliyevanın mədəniyyət sahəsində gördüyü işlər təqdirəlayiqdir. Vaxtında bu istiqamətdə zəruri addımlar atılmasayadı, bu gün Azərbaycan muğamının taleyi necə olardı?! Baxın, indi Azərbaycan mədəniyyəti, incəsənəti, musiqisi dünyanın dörd bir tərəfinə səs salır. Bu gün Azərbaycan musiqisi hər yerdə tanınır, hər kəs muğamımızı ayaqüstə dinləyir".

 

Xalq artisti vurğulayıb ki, mədəniyyət çox böyük bir "silah"dır. Düşməni sadəcə top-tüfənglə deyil, mədəniyyət nümunələri ilə də susdurmaq mümkündür: "Bir ay öncə Moskva konservatoriyasında konsertimiz baş tutdu. Həmin konsertdə digər dövlətlərlə yanaşı, Ermənistan nümayəndələri də iştirak edirdi. Ancaq ermənilər orada pərt oldular, heç nə deyə bilmədilər, çünki insanlar bizim musiqini ayaqüstə alqışladılar. Sizcə, bu, bizim qələbəmiz deyilmi, bundan böyük qələbə ola bilərmi?! Biz orada Üzeyir Hacıbəyovun “Koroğlu” uvertürasını, Azərbaycan kapriççiosunu səsləndirdik. Orkestrin tərkibində fərqli millətlərin nümayəndələri var idi, onlar da oturub bizim musiqimizi ifa edirdilər”.

 

Tanınmış dirijor deyir ki, Bakıya gələn qonaqlar geri qayıtmaq istəmirlər. Paytaxtımız artıq dünyanın ən gözəl şəhərləri sırasında yer alır:

"Şəhərin infrastrukturuna, yollarımıza baxın! Ümumiyyətlə, Azərbaycanda olan yollar heç bir yerdə yoxdur. Son 15 il ərzində ölkəmiz yenidən intibah dövrünü yaşadı. Bakı ilə yanaşı, bölgələrimiz də müasir standartlara əsasən inkişaf etdirildi. Bu gün turistlərin rahat istirahəti üçün Qəbələ, Şamaxı, Şəki və digər rayonlarımızda hər cür şərait yaradılıb”.

 

Versus.Az

Xəbər lenti

InvestAZ

Ən çox oxunan xəbərlər

İqbal Ağazadə hökumətə səsləndi-VİDEO

Partiya sədrindən rektora AÇIQ MƏKTUB

14 iyul 1959-cu il - Kərkük soyqırımı...

"Sovet İttifaqında doğulan hər kəs Rusiya vətəndaşlığı ala bilər" - BƏYANAT

“Nə yazıq ki, “Kərkük soyqırımı” ilə bağlı heç bir film çəkib səsimizi dünyaya duyura bilmədik”

Şəkidə çoxəsrlik çinar ağacı necə aşdı? /VİDEO/

713-cü batalyonun döyüşçüləri Şəhidlər Xiyabanında olub

Azərbaycana sızan Rusiya “sevgisi”

Füzuli Rzaquliyev Azərbaycan Xalq Cümhuriyyəti yaranması yubley medalı ilə təitif edilib

Yasəmən Qaraqoyunlu Türk soyqırımlarının tarixi-siyasi səbəblərini açıqladı

Bir həftəyə xərçəngi yox edən MÖCÜZƏVİ VASİTƏ

Canlı yayında İsgəndər Həmidov müəmması (VİDEO)

Partiya sədrindən AXC-nin yaranmasının 30 illiyi ilə bağlı TƏBRİK

78 yaşında universitetə sənəd verdi

İqbal Ağazadədən Keçikçidağ hadisəsi ilə bağlı sərt mövqe