“Müxalifətdaxili intriqalar, çəkişmələr, qısqanclıqlar..."

09:23 29-06-2019 | icon 122 | Siyasət
“Müxalifətdaxili intriqalar, çəkişmələr, qısqanclıqlar..."

Əhalinin sosial, iqtisadi vəziyyətinin yaxşılaşmasına təkan verən addımlar atılması son zamanlar iqtidarın sosial dayaqlarını bir qədər gücləndirib. Hakimiyyətin mövqelərinin güclənməsi isə təbii ki, müxalifətin marağına uyğun deyil. Balans yaratmaq üçün müxalifətin də öz mövqelərini, dayaqlarını gücləndirmək qayğısı yaranıb. Bəs müxalifət düşərgəsi öz mövqelərini möhkəmlətmək və iqtidara qarşı mübarizədə əlini gücləndirmək üçün nələr edir və ya etməlidir? Ənənəvi mübarizə üsulları, yoxsa yeni taktikaya ehtiyac var?

 

VİP sədri Əli Əliyev bildirib ki, iqtidarın mövqelərinin güclənməsi ilə bağlı deyilənləri bölüşmür. Çünki hələlik baş verənlər əhalinin sosial həyatında dəyişiklik yaratmayıb: “Son qərarlar əsasən administrativ strukturları əhatə edir. Minimum əmək haqqı məsələsini nəzərdə tutursunuzsa, o oktyabrdan olacaq. Bu gündən isə qiymətlər qalxmaqda, bazar bahalaşmadadır. Bax, bu gün şəkərin qiyməti qalxıb. Sabah nə isə başqa ərzaq bahalaşacaq. Yəni oktyabrda veriləcək artım artıq indeksasiya olacaq. Bu da mənim yanaşmamdır.

VİP sədri Əli Əliyev ile ilgili görsel sonucu

Bizim iddialarımız subyektiv sayıla bilər. Proses göstərir ki, müxalifət düz yoldadır. Sadəcə, getdikcə təbliğatı artırmalıyıq".

Tural Abbaslı ile ilgili görsel sonucu

AĞ Partiyanın sədri Tural Abbaslı isə bildirib ki, son zamanlar hakimiyyət minimum əmək haqlarının qaldırmaq,  həmçinin müəllim, hərbçi, polis kimi  bəzi peşə sahələrində işləyənlərin də məvaciblərini artırmaqla bəzi sosialyönümlü müsbət addımlar atır:

“Ancaq mən deməzdim ki, bu kampaniya xarakterli addımlar iqtidarın cəmiyyətdəki mövqelərini ciddi şəkildə möhkəmlədir. Bu, ancaq permanent və taktiki addımlar kimi dəyərləndirilə bilər. İqtidar xalqın dəstəyini qazanmaq üçün sosial-iqtisadi, siyasi sferalarda köklü, ardıcıl və sürətli islahatlar aparmalıdır.  O ki qaldı müxalifətin yeni metodlardan istifadəsinə, mən düşünürəm ki, burada ”yenidən velosiped" kəşf etməyə ehtiyac yoxdur. Müxalifətin işi iqtidardan narazı elektoratın mübarizəsini və müqavimətini təşkil etməkdir. Sadəcə olaraq, müxalif düşərgədə çoxdandır dəyişikliklər olmur. İnsanlar artıq illərdir ki, eyni simalardan yorulub və onların böyük əksəriyyətinə etimad etmir. Müxalifət öz daxilində yeni liderlər yetişdirib cəmiyyətə təqdim etməlidir. O da öz növbəsində narazı elektoratın etimadını qazanmalı və etirazı təşkil etməlidir. Ancaq bu zaman hakimiyyət güzəştlərə məcbur edilə bilər. Yəni biz çalışmalıyıq ki, xalq faktorunu siyasi səhnəyə qaytaraq. Bir sözlə, ən böyük yenilik və yeni taktika xalqın etimadını geri qaytarmaqdır".

 

AMİP katibi Əli Orucov ile ilgili görsel sonucu

AMİP katibi Əli Orucov qeyd edib ki, iqtidarın son sosial sahədə atdığı addımlar qismən də olsa cəmiyyətdə müəyyən qədər gərginliyin aradan qaldırılmasına kömək göstərib. Lakin hələ ciddi effekt verməyib:

“Müxalifətin əlində inzibatı, maliyyə, böyük insani resurslar olmasa da hesab edirəm ki, mövqeyi iqtidarınkından güclüdür. Çünki ölkədə ciddi narazılıqlar qalır. Korrupsiya, rüşvətxorluq, məmur özbaşınalıqları, israfçılıq, hakimiyyət qolları arasında qarşılıqlı nəzarət və əlaqələrin olmaması, məhkəmələrin durumu və sair kimi hallar müxalifətə böyük imkanlar yaradır. Eyni zamanda Qarabağ probleminin dalana dirənməsi iqtidar üçün minuslardır. Lakin müxalifət ənənəvi mübarizə üsulundan çıxa bilməyib. İnnovasiyalardan, yeni təşəbbüslərdən istifadə etmirlər. Xalqla və beynəlxalq ictimaiyyətlə əlaqələrdə çətinliklər qalır. Müxalifətdaxili intriqalar, çəkişmələr, qısqanclıqlar da bu düşərgənin güclənməsinə maneçilik törədir. Mənə elə gəlir iqtidar yaxşı anlayır ki, sosial sahələrdə kiçik güzəştlər qısa zaman üçündür. Köklü islahatlara da getmək risklidir. Odur ki, müxalifət onun üçün yaranmış fürsəti dəyərləndirməyi bacarmalıdır. Nəzərə almaq lazımdır ki, qarşıdakı payız aylarında ölkədə və regionda proseslər sürətlənəcək. Ən azından müxalifət buna hazırlıqlar görməlidir”.

 

Versus.Az

Xəbər lenti

InvestAZ

Ən çox oxunan xəbərlər

“Bu prosesdə uğur qazanmağın yolu budur ki...”

Qarabağa gedən Yolumuz və ölü erməni

"Qubanı Milli Məclisdə təmsil etmək iddiasındayam"

 Yeni mərkəz yaradılır - “Qarabağ Tribunası” 

Mifik "batalyon", sərt ittihamlar və Cümşüd Nuriyevdən açıqlama

"Biz insanlara vəzifəsinə deyil, şəxsiyyətinə görə dəyər verərik"

"Boykot taktikasına əl atan istənilən siyasi qüvvə iflasa uğrayacaq"

Həkim-terapevt Seboreya xəstəliyinin yaranmasına təkan verən patologiyalardan danşdı

713- ün HOÇAZDA SON ŞƏHİDİ

"Xocalı Soyqırımını Tanıtma" ictimai birliyindən nəcib təşəbbüs

"Qadınlar yüksək vəzifələrdə daha çox təmsil olunmalıdırlar" - FOTO

“Gülsam”-ın Uşaq şöbəsinin dərnək üzvləri xeyriyyə satış-yarmarkası təşkil edəcək

"Haqq-ədalət bir az acı olur, nəyisə deyirsən, səni “vururlar”"

"Buyurun, artıq növbədənkənar seçkinin astanasındayıq"

Növbədənkənar seçkiləri labüd edən məqamlar