"Çinin bu ədalətli mövqeyi bizim tərəfimizdən təqdir edilir və qiymətləndirilir"

20:54 22-07-2019 | icon 64 | Gündəm
"Çinin bu ədalətli mövqeyi bizim tərəfimizdən təqdir edilir və qiymətləndirilir"

"Yeni Azərbaycan Partiyasının (YAP) çoxşaxəli beynəlxalq əlaqələri mövcuddur. Həmçinin YAP və Çin Xalq Respublikasının Kommunist Partiyası arasında ikitərəfli əlaqələr var".

 

Versus.Az APA-ya istinadən xəbər verir ki, bunu jurnalistlərə açıqlamasında Dini Qurumlarla İş üzrə Dövlət Komitəsinin sədri Mübariz Qurbanlı bildirib.

 

Onun sözlərinə görə, Yeni Azərbaycan Partiyasının nümayəndələri vaxtaşırı olaraq, eyni zamanda Çin Kommunist Partiyasının nümayəndə heyəti qarşılıqlı səfərlər edirlər: "Bu səfərlər ikitərəfli əlaqələrə öz töhfəsini verir. Çin Xalq Respublikası ilə Azərbaycan arasında siyasi, iqtisadi, humanitar sahələrdə çox böyük sıx əlaqələr mövcuddur. Ulu öndər Heydər Əliyevin 1994-cü ildə Çinə rəsmi səfəri və həmin səfər zamanı imzalanmış sənədlər bu münasibətlərin əsasını təşkil edir".

Komitə sədri bildirib ki, Prezident İlham Əliyevin Çin Xalq Respublikasına səfərləri, o cümlədən Çinin rəhbər xadimlərinin Azərbaycana səfərləri bu münasibətləri yeni mərhələyə yüksəldib.

"Azərbaycan və Çin bir çox sahələrdə, həmçinin Şərq-Qərb nəqliyyat dəhlizinin inkişaf etdirilməsində, "Bir kəmər, bir yol" layihəsinin həyata keçirilməsində əməkdaşlıq edir. Bütün bunlar Azərbaycanın sosial-iqtisadi siyasətinə və beynəlxalq münasibətlər çərçivəsində siyasətinə öz təsirini göstərir", - deyə M.Qurbanlı qeyd edib.

O vurğulayıb ki, Çin Xalq Respublikası bütün beynəlxalq tədbirlərdə Azərbaycanın ərazi bütövlüyünü və suverenliyini müdafiə edir: "Dəfələrlə Çin Xalq Respublikasının rəsmiləri Ermənistanın Azərbaycana qarşı təcavüzünü pisləyib və Azərbaycanın ərazi bütövlüyünü tanıdıqlarını bəyan ediblər. Çin BMT-nin Təhlükəsizlik Şurasının daimi üzvü olaraq Ermənistanın Azərbaycana təcavüzü ilə əlaqədar qəbul olunmuş məlum qətnamələrə səs verib. Çinin bu ədalətli mövqeyi bizim tərəfimizdən təqdir edilir və qiymətləndirilir".

 

Versus.Az

Xəbər lenti

InvestAZ

Ən çox oxunan xəbərlər

QHT LAYİHƏYƏ START VERDİ

Müalicəsiz buraxılmış bu xəstəlik çox ağır fəsadlar verə bilər

AXH: Hakimiyyətdən bu cür siyasətinə son qoymasını tələb edirik

AXH Qurultaya hazırlaşır

Qan testi ilə ölüm tarixini öyrənmək mümkün olacaq

"Mərhum anidən dirildi, yoxsa diri-diri dəfn edəcəkdik" - MÜSAHİBƏ

Bakı-Naxçıvan-Bakı marşrutu ilə sərhədkeçmə prosesi asanlaşdı

Jurnalistin qardaşının evi yenə qarət edildi

Millət vəkilinin tanınmış qadın siyasətçiləri, QHT, KİV, təşkilat rəhbərləri ilə görüşü davam edir

"Asma körpü"nün bərpasi ücün rayon rəhbərliyinə müraciət edirəm

Dövlət komitəsi Məhərrəmlik ayı ilə bağlı müraciət etdi

Qənirə Paşayeva Kamerun, Nigeriya və Konqonun qadın nazirləri ilə görüşüb

"Bu gün sizlərin yarıtmaz siyasəti xalqı hər gün yeni qəzalar keçirməyə vadar edir"

23 avqust - Cəbrayıl və Füzuli rayonlarının işğal olunduğu gündür

Ulu öndər Heydər Əliyevin yaxın dostu Osman Gezekerin ailəsi Azərbaycana təşəkkür etdi