Gələn ildən səhiyyədə 20 keyfiyyət standartı tətbiq olunacaq

13:19 25-07-2019 | icon 43 | Cəmiyyət
Gələn ildən səhiyyədə 20 keyfiyyət standartı tətbiq olunacaq

İcbari Tibbi Sığorta üzrə Dövlət Agentliyi (Agentlik) tərəfindən “Tibb müəssisələrinin idarəedilməsinin təkmilləşdirilməsi, fəaliyyətinin optimallaşdırılması, habelə daha səmərəli idarəetmə üsullarının tətbiq edilməsinə dair təkliflər” sənədi hazırlanıb.

 

Versus.Az xəbər verir ki, Agentlikdən verilən məlumata görə, sənəd Bakıda və regionlarda tibb müəssisələrinin ilkin dəyərləndirilməsinin nəticələri əsasında tərtib edilib. Dəyərləndirmə dörd müxtəlif istiqamət - mövcud maddi-texniki infrastruktur, tibbi xidmət imkanları, informasiya texnologiyaları və tibbi-statistik uçot üzrə aparılıb. Sənəd hazırlanarkən dünya üzrə statistik məlumatlar, ayrı-ayrı beynəlxalq təşkilatların hesabatları öyrənilib, müxtəlif ölkələrin təcrübələri nəzərə alınıb.

 

Sənəddə tibb müəssisələrinin idarəedilməsinin təkmilləşdirilməsi məqsədilə bir sıra islahatların – tibb müəssisəsi şəbəkəsinin optimallaşdırılması, tibbi avadanlıqlarla təchizatın gücləndirilməsi, kadr resurslarının inkişaf etdirilməsi və ölkə üzrə düzgün paylanılması təklif olunur.

 

Təkliflərə əsasən tibbi xidmətlərin keyfiyyətinin artırılması məqsədilə Agentlik tərəfindən 2020-ci ildən etibarən 20 keyfiyyət standartının tətbiq edilməsi nəzərdə tutulur. Sonrakı illərdə isə keyfiyyət standartlarının sayı artırılacaq. Bununla yanaşı, səhiyyə göstəricilərinin izlənilməsi və əhalinin sağlamlıq durumunun öyrənilməsi məqsədi ilə Agentlik tərəfindən ilkin mərhələdə 16 indikatorun tətbiqi nəzərdə tutulub. İndikatorlar səhiyyə xərclərinin analizi, maliyyə dayanıqlılığı, doğum və ölüm göstəriciləri və tibbi xidmətlərdən istifadə üzrə statistik məlumatları izləyəcək.

Təkliflər arasında həmçinin həkimlərin əməkhaqlarının ödənilməsində tətbiq olunan vahid tarif-ixtisas cədvəlinin yenilənməsi və əmək bazarının tələblərinə uyğunlaşdırılması nəzərdə tutulur. Agentlikdə hesab edirlər ki, bu yanaşmanın tətbiqi göstərilən xidmətlərin spektrinin genişləndirilməsinə və keyfiyyətinin artmasına səbəb olacaq.

 

Versus.Az

Xəbər lenti

InvestAZ

Ən çox oxunan xəbərlər

QHT LAYİHƏYƏ START VERDİ

Müalicəsiz buraxılmış bu xəstəlik çox ağır fəsadlar verə bilər

AXH: Hakimiyyətdən bu cür siyasətinə son qoymasını tələb edirik

AXH Qurultaya hazırlaşır

Qan testi ilə ölüm tarixini öyrənmək mümkün olacaq

"Mərhum anidən dirildi, yoxsa diri-diri dəfn edəcəkdik" - MÜSAHİBƏ

Bakı-Naxçıvan-Bakı marşrutu ilə sərhədkeçmə prosesi asanlaşdı

Jurnalistin qardaşının evi yenə qarət edildi

Millət vəkilinin tanınmış qadın siyasətçiləri, QHT, KİV, təşkilat rəhbərləri ilə görüşü davam edir

"Asma körpü"nün bərpasi ücün rayon rəhbərliyinə müraciət edirəm

Dövlət komitəsi Məhərrəmlik ayı ilə bağlı müraciət etdi

Qənirə Paşayeva Kamerun, Nigeriya və Konqonun qadın nazirləri ilə görüşüb

"Bu gün sizlərin yarıtmaz siyasəti xalqı hər gün yeni qəzalar keçirməyə vadar edir"

23 avqust - Cəbrayıl və Füzuli rayonlarının işğal olunduğu gündür

Ulu öndər Heydər Əliyevin yaxın dostu Osman Gezekerin ailəsi Azərbaycana təşəkkür etdi