Sərdar Cəlaloğlunun bacısı oğlu məhkəmə zalından həbs edildi 

18:26 06-08-2019 | icon 132 | Hadisə
Sərdar Cəlaloğlunun bacısı oğlu məhkəmə zalından həbs edildi 

Hədə qorxu ilə pul tələb etməkdə ittiham edilən jurnalistlər hakim qarşısına çıxarılıb.

 

Versus.Az xəbər verir ki, Bakı Ağır Cinayətlər Məhkəməsində jurnalistlər Mirkənan Seyidov və Cəlal Məmmədovun cinayət işi üzrə məhkəmə iclası keçirilib.

 

Hakim Eldar Mikayılovun sədrliyi ilə keçirilən məhkəmə iclasında təqsirləndirilən şəxslər son sözlə çıxış edib.

 

Hər iki şəxs onlara qarşı irəli sürülmüş ittihamın əsassız olduğunu bildiriblər. Qeyd ediblər ki, zərərçəkmiş "Antalya Mehman" ləqəbi ilə tanına Mehman Həsənovdan pul tələb etməyiblər.

 

Təqsirləndirilən şəxslər qeyd ediblər ki, "Antalya Mehman" Bakıda əxlaqsız yuvalar işlətdiyi üçün barəsində cinayət işi açılıb və hazırda həbsdədir.

Məhkəmə müşavirədən sonra hökmü elan edib.

Hökmə əsasən Mirkənan Seyidov 5 il, Cəlal Məmmədov isə 5 il 3 ay müddətinə azadlıqdan məhrum ediliblər.

Hər iki şəxs barəsində polis nəzarətinə verilmə qətimkan tədbiri dəyişdirilib və onlar məhkəmə zalından qandallanıblar.

Qeyd edək ki, hər iki şəxsə qarşı Cinayət Məcəlləsinin 182-ci (hədə-qorxu ilə tələb etmə) maddəsi ilə ittiham irəli sürülüb.

"Antalya Mehman"ın adı mətbuata başqa cinayət işlərindən də tanışdır. Belə ki, daha əvvəl də jurnalist Fikrət Fərəməzoğlu və daha bir neçə jurnalist "Antalya Mehman"ın şikayəti əsasında həbs edilmişdi.

O şikayətində bildirirdi ki, jurnalistlər onun rəhbərlik etdiyi massaj salonlarından reportajlar hazırlayaraq onu əxlaqsızlıq yuvalar saxlamaqda şantaj edərək pul alıblar.

Bu işdə diqqət çəkən məqam budur ki, "Antalya Mehman"ın şikayətində sonra jurnalistlər həbs edildib. Daha sonra isə onun özünü həbs ediblər.

Maraqlıdır ki, "Antalya Mehman" əxlaqsız yuvalar saxlamaqda ittiham edilərək saxlanılıb. Onun barəsində cinayət işi üzrə ibtidai istintaq davam etdirilir.

Təqsirləndirilənlərdən bakunews.az saytının baş redaktoru Mirkənan Seyidov ADP sədri Sərdar Cəlaloğlunun bacısı oğludur.

"Antalya Mehman" məhkəmədə ifadə verərkən Mirkənan Seyidov bağışladığını, Cəlal Məmmədova isə ağır cəza təyin edilsin istəmişdi./müsavat/

 

Versus.Az

Xəbər lenti

InvestAZ

Ən çox oxunan xəbərlər

ALDP Bayraq Gününü belə qeyd etdi - VİDEO

"Azərbaycan Prezidentinə şikayət etməyimə mane olurlar"

"Bu, inteqrasiya deyildi, bu müxalifətin inteqrasiyasına zərbə idi"

İraq türklərinin mənəvi lideri Riyaz Sarıkahyanın ailəsinə ağır itki üz verib

Qarabağ xanı Mehdiqulu xanın bayrağı və ona həsr olunmuş kitabın təqdimatı

“Bu xəstəlik vaxtı vanna qəbul etmək olmaz”

"Proporsional seçki sistemi ləğv olunandan sonra, vətəndaşlarda partiyalara maraq azaldı"

Qadının ən gizli orqanının sirri açıldı

"Əli İnsanovun onlarla birgə olması ilk öncə özünə təhqirdir"

BSU-da Dövlət Bayrağı Gününə həsr olunmuş tədbir keçirilib

Darçının tərkibində gizlənən ÖLÜM SİRLƏRİ

Şəhid ailələri, Qarabağ müharibəsi və 20 Yanvar əlillərinə daha 40 mənzil təqdim edildi - FOTO

Zaman-zaman bir-birinin qanını içməyə hazır olanların birlik sərgisi

Yaraları sağaldır, qanaxmanı dayandırır

Quru öskürəyə qarşı kokteyl