KİV-nin diqqətinə

17:08 29-08-2019 | icon 40 | Sosial
KİV-nin diqqətinə

Aqrar Xidmətlər Agentliyi mütəxəssisləri heyvan və arılara davamlı olaraq səyyar baytarlıq xidməti göstərir.

 

Versus.Az-ın məlumatına görə, Kənd Təsərrüfatı Nazirliyi yanında Aqrar Xidmətlər Agentliyinin (AXA) baytar mütəxəssisləri növbəti dəfə Astara və Lerik rayonlarının ərazisindəki yaylaqlarda saxlanılan heyvan və arıçılıq təsərrüfatlarına baş çəkiblər.

 

Lazımi baytarlıq preparatları, vaksinlər, müalicəvi dərman və dezinfeksiya vasitələri ilə təmin olunmuş səyyar baytarlıq xidməti yaylaqlarda saxlanılan heyvanları profilaktiki baytarlıq baxışından keçirib, xırdabuynuzlu heyvanlar arasında bruselyoz xəstəliyinə qarşı “Rev-1” vaksini ilə peyvəndləmə və heyvanların yataq yerlərində dezinfeksiya və dezinseksiya tədbirləri, maarifləndirmə işləri aparıb, bukletlər təqdim edib. Eləcə də heyvan sürüləri parazitar gənələrə qarşı çimizdirilib.

 

Avqustun 21-dən 24-dək keçirilən səyyar baytarlıq xidməti zamanı baytar həkimlər xırdabuynuzlu heyvanlar arasında xüsusi təhlükəli yoluxucu xəstəliklərə görə aparılmış peyvəndləmə tədbirləri ilə maraqlanıblar. Həmçinin, dövlət vəsaiti hesabına alınan baytarlıq preparatlarının istifadəsində şəffaflığın təmin edilməsi məqsədilə üzərində “Satıla bilməz” yazılmış biopreparatların və dərman maddələrinin heyvanlara təmənnasız tətbiq edilməsi, baytarlıq preparatları və vaksinlərin istifadəsi zamanı təhlükəsizlik qaydalarına əməl olunması barədə ətraflı söhbətlər aparıblar. Yaylaqlarda keçirilən görüşlər çərçivəsində həm iti yoluxucu, həm də yoluxmayan xəstəliklər barədə təsərrüfat sahibləri məlumatlandırılıb, baytarlıq-sanitariya qaydalarına ciddi əməl olunması ilə əlaqədar tövsiyələr verilib. Yaylaqlarda heyvan sahibləri ilə keçirilən görüşlərdə həm iribuynuzlu, həm də xırdabuynuzlu heyvanların qan-parazitar və qurd xəstəliklərinin xüsusiyyətlərindən və iqtisadi zərərindən bəhs olunub.

 

Qan-parazitar xəstəliyin gənələr vasitəsi ilə yayılmasını nəzərə alaraq yay mövsümündə heyvanların ən azı həftədə bir dəfə akarasid vasitələrlə işlənməsinin vacibliyi diqqətə çatdırılıb. Xəstəliyin müalicəsinin fermerlərin vəsaiti hesabına aparıldığı vurğulanıb. Akarasid və helmintozlara qarşı istifadə edilən dərmanların saxlanılması və işlədilməsi zamanı təlimata əməl edilməsinin zəruriliyi qeyd edilib. Mütəxəssislər səyyar baytarlıq xidməti rayonlarda olan arıçılıq təsərrüfatlarına baş çəkib. Arıçılara arı xəstəlikləri, arılara qulluq və saxlama qaydaları, ana arıların yetişdirilməsi, arı xəstəlikləri ilə mübarizə, arıların qidalanması barədə ətraflı məlumatlar verilib. Həmçinin, arı xəstəliklərinin müalicəsi, profilaktikası və infeksion və parazitar xəstəliklərə qarşı aparılan yeni mübarizə tədbirləri arıçıların diqqətinə çatdırılıb. Bildirilib ki, arıların uçuş və hərəkətləri daim nəzarətdə saxlanılmalı və təlimata uğun qulluq göstərilməsi tövsiyə edilib.

Aqrar Xidmətlər Agentliyi tərəfindən yaylaqlarda və arıçılıq təsərrüfatlarında təşkil edilən səyyar baytarlıq xidmətindən sahibkarlar razılıq edib, heyvan və arılar arasında heç bir xəstəliyin olmadığını bildiriblər. Agentlik əməkdaşları yaylaq şəraitində saxlanılan heyvan və arılara göstərilən baytarlıq xidmətləri, xəstəliklərin müalicəsində istifadə edilən yeni müalicə metodları və preparatlar haqqında yerli baytar həkimlərinə də müvafiq tövsiyə və məsləhətlər veriblər.

 

Növbəti səyyar baytarlıq xidmətinin Şamaxı və Oğuz rayonlarının ərazisində yerləşən yaylaqlarda aparılması nəzərdə tutulur.

 

Versus.Az

Xəbər lenti

InvestAZ

Ən çox oxunan xəbərlər

Bakının işğaldan azad edilməsinin 101-ci ildönümü ilə bağlı tədbir keçirilib - FOTOLAR

İQBAL AĞAZADƏ: O kəslər bir yerdə yaşasınlar ki, ayrı yaşaya bilmirlər

Lənkəranda bir neçə təhsil müəssisəsinin açılış mərasimi olub

ÜMİDDƏN ASILAN QILINC

Qazilər 92-ci il döyüşlərindən danışdılar

"Bu, islahat deyil, utancverici göstəricidir"

“Özünü güclü siyasi qüvvə və ya "ana müxalifət" hesab edirsə, buyursun seçkiyə” - MÜSAHİBƏ

Laçın şəhər 37 saylı məktəbdə BİLİK GÜNÜ - VİDEO

Qəbrin nurla dolsun şəhidim...

"Bəs Əli Kərimli niyə susur?"

Musiqi sevgisinin kökündə duran Üzeyir Hacıbəyli işığı

Fuad Qəhrəmanlının qızından atası və Əli Kərimli ilə bağlı - Sensasion iddialar

ŞƏHİD QƏBİRLƏRİNDƏN DUYULAN VƏTƏN ANDIMIZ 

AXCP sədri: Prezidentə və Birinci vitse-prezidentə qarşı “səlib yürüşü” edə bilmərik

"AXH bu gün müxalifətin aparıcı qüvvələrindən biridir”