Müstəqilliyimizi rusa-erməniyə satan xainləri Fəxri Xiyabanda əzizləyirik

14:35 10-09-2019 | icon 174 | Cəmiyyət
Müstəqilliyimizi rusa-erməniyə satan xainləri Fəxri Xiyabanda əzizləyirik

TURAL İRFAN yazır: Tariximizə özümüzün biganəliyimiz bizi növbəti faciələrə apara bilər

 

1918-22 ci illərdə məlum Sovet İmperiyasının qurulduğu illərdə bolşeviklər xalqımıza, milli hökumətimizə qarşı divan tutublar. Müsavat hökuməti qeyrətlə, vətənpərvərlik ruhu ilə o mənfur, ermənipərəsət işğalçılara qarşı mübarizə aparıb. Böyük Rəsulzadənin və cəbhədaşlarının dirənişi bolşeviklərin fəaliyyətini nəzərəçarpan dərəcədə ləngidə bilmişdi.

 

Lakin terror, qırğınlar və digər mənfur əməllər vasitəsilə quduz bolşevizm ölkəmizi əsarət altına aldı. Həmin illərdə milli qeyrətinə sığınıb düşmənə baş əyməyən mərd şəxsiyyətlərimiz mücadiə aparıb şəhid olurdular. Habelə bolşevikləri də cəhənnəmə vasil edirdilər. Əli Bayramov, Qasım İsmayılov, Mirfəttah Musəvi kimi bolşeviklər öz xalqımıza qarşı törətdikləri murdar əməllərə görə müsavatçıların dirənişi nəticəsində həlak olublar.

 

Bu tarixi hamımız bilməli, gələcək nəsillərə ötürməliyik. Ancaq bu xalq düşmənlərinin, müstəqillik yağılarının, rus əlaltılarının qəbirlərini bu gün Azərbaycanın Fəxri Xiyabanında görəndə adam mütəəssir olur. Onların dəfn edildiyi dövrü, o dövrün hakimiyyətini, ideologiyasını nəzərə alaraq onların orada basdırıldığını təbii də qarşılamaq olar. Ancaq ən dəhşətlisi odur ki, o qəbirlərin üstündəki yazılarda milli müsavat hakimiyyəti "cani, qəddar, cəllad, qatil və s." adlandırılır.

 

Fəxri Xiyabanı ziyarət edən bir insan - istər vətəndaşımız olsun, istər xarici vətəndaş olsun, soruşub maraqlansa nə deməliyik? Özümüz öz hakimiyyətimizi qatil, cəllad adlandırıb, o yazıların da tozunu hər gün silib yadigar saxlayırıq? Qəbir daşları tarixdir. Bu tarix gələcəyə qalacaq. Müstəqillik qurmuş babalarımızı qətlə yetirən, müstəqilliyimizi rusa-erməniyə satan xainləri Fəxri Xiyabanda əzizləyirik. O qəbirlər 26-ların qəbri kimi oradan çıxarılmalı, layiq olduqları yerdə basdırılmalıdır. Əgər bu mümkün olmazsa heç olmasa onların üstündə qoyulmuş daşlar dəyişdirilməlidir və əslində özlərinin qatil olduğu yazılmalıdır.

Öz tariximizə özümüzün bu boyda biganəliyimiz bizi növbəti faciələrə apara bilər. Müsavat hökumətinin "caniliyini, cəlladlığını, qəddarlığını" təsdiqləməliyiksə, müstəqilliyimizi quranları yox, vaxtilə yıxanları əzizləməliyiksə, onda qoyun qalsın, gələcək nəsillər də o daşları oxuyub babalarımızın qatil və cəllad olduğunu "öyrənsinlər"!

Xəbər lenti

InvestAZ

Ən çox oxunan xəbərlər

Bakının işğaldan azad edilməsinin 101-ci ildönümü ilə bağlı tədbir keçirilib - FOTOLAR

Lənkəranda bir neçə təhsil müəssisəsinin açılış mərasimi olub

ÜMİDDƏN ASILAN QILINC

Qazilər 92-ci il döyüşlərindən danışdılar

“Özünü güclü siyasi qüvvə və ya "ana müxalifət" hesab edirsə, buyursun seçkiyə” - MÜSAHİBƏ

Laçın şəhər 37 saylı məktəbdə BİLİK GÜNÜ - VİDEO

İQBAL AĞAZADƏ: O kəslər bir yerdə yaşasınlar ki, ayrı yaşaya bilmirlər

Qəbrin nurla dolsun şəhidim...

"Bu, islahat deyil, utancverici göstəricidir"

"Bəs Əli Kərimli niyə susur?"

Musiqi sevgisinin kökündə duran Üzeyir Hacıbəyli işığı

ŞƏHİD QƏBİRLƏRİNDƏN DUYULAN VƏTƏN ANDIMIZ 

"AXH bu gün müxalifətin aparıcı qüvvələrindən biridir”

Fuad Qəhrəmanlının qızından atası və Əli Kərimli ilə bağlı - Sensasion iddialar

AXCP sədri: Prezidentə və Birinci vitse-prezidentə qarşı “səlib yürüşü” edə bilmərik