"Bizi söyənlərə mənim qanımdan vurulsa, bəlkə şəfa taparlar"

20:22 10-09-2019 | icon 38 | Gündəm
"Bizi söyənlərə mənim qanımdan vurulsa, bəlkə şəfa taparlar"

Milli Məclisin hakim Yeni Azərbaycan Partiyasından (YAP) seçilmiş deputatı, politoloq Elman Nəsirov YAP funksionerlərinin, o cümlədən özünün qanvermə aksiyasında iştirakının sosial şəbəkələrdə bəzi şəxslər tərəfindən təhqir və tənqid edilməsindən danışıb.

 


Versus.Az xəbər verir ki, bunu açıqlamasında millət vəkili Elman Nəsirov bildirib ki. Onun sözlərinə görə, həmin radikal şəxslər bu cür ifadələri səsləndirməklə öz iç üzlərini nümayiş etdirirlər:


"Həmin günü mən yorğun olmağıma baxmayaraq, gedib qan vermişəm. Bilirsiniz ki, qan verəndən sonra insan əzgin olur. Bu cür əməlləri təqdir etmək əvəzinə, bəzi qaragüruhçu qüvvələr sosial şəbəkələrdə mənəviyyatsız hərəkətlər edirlər. Onların nə etməsindən asılı olmayaraq, əsas Allah həqiqəti görür. Mən gedib ona görə qan vermişəm ki, kiməsə faydası olsun. Bu cür işlərə qarayaxmaq istəyən adamların heç kəsə xeyrləri yoxdur, amma yenə də dağıdıcılıqla məşğul olurlar. Allah onları görür, ona görə də bu günə qalacaqlar".

 


Deputat onu təhqir edən adamlara qan verməkdən imtina etmədiyini də söyləyib:


"Bu gün mənəviyyatsızlıq, ermənipərəst və satqınlıq yolunu tutanlarların qətiyyən milli hissləri yoxdur. Onlar ancaq 1 dəfə istifadə olunmaq üçün yarayırlar. İnanın ki, onlar 1 gün istifadə ediləndən sonra əlcək kimi bayıra atılırlar. Yəni, bu adamlara xaric də o gözlə baxır. Ümumiyyətlə, xəyanətkarı heç yerdə sevmirlər, heç zaman dəyəri, qiyməti olmur. Əgər mənim qanım bu cür xəstə adamlara verilən zaman onlar sağalarsa, o zaman bunu etməyə razıyam. Mən qətiyyən bu cür adamlara qanımın verilməsinin əleyhinə olmaram. Çox istərdim ki, onların hər hansı birinə mənim qanımdan vurulsun. Bu zaman bəlkə onların vətənpərvərlik hissi normal olar. Yəni, onlar mənim qanımdan şəfa tapa bilərlər. Mən bu adamların satqın və dönük xislətini görüb, qanımdan onlara vurulmasını istərdim. Bu zaman bəlkə onların qanı düzələr, Vətən, torpaq və dövlətçilik hisslərinin nə olduğunu anlayarlar".

 


E.Nəsirov indiki Azərbaycan iqtidarını müdafiə etməkdən heç zaman vaz keçməyəcəyini də söyləyib:


"Hesab edirəm ki, mən kifayət qədər vətənpərvərəm, dövlətimi sevirəm, ona bağlı insanam. Mən hakim Yeni Azərbaycan Partiyasında təmsil olunuram. Bu partiya Qafqazın ən böyük siyasi partiyasıdır, ümumxalq partiyasıdır. Bu partiyanın sədri isə dövlətimizin başçısı cənab İlham Əliyevdir. Mən də onun siyasətini təbliğ edib, dəstəkləyirəm. Əminəm ki, cənab Prezidentin yolu haqq yoludur. Bu gün Azərbaycanda olan sabitliyin və təhlükəsizliyin də qarantı məhz cənab İlham Əliyevdir". /Demokrat.az/

 

Versus.Az

Xəbər lenti

InvestAZ

Ən çox oxunan xəbərlər

Bakının işğaldan azad edilməsinin 101-ci ildönümü ilə bağlı tədbir keçirilib - FOTOLAR

Lənkəranda bir neçə təhsil müəssisəsinin açılış mərasimi olub

ÜMİDDƏN ASILAN QILINC

Qazilər 92-ci il döyüşlərindən danışdılar

İQBAL AĞAZADƏ: O kəslər bir yerdə yaşasınlar ki, ayrı yaşaya bilmirlər

"Bu, islahat deyil, utancverici göstəricidir"

“Özünü güclü siyasi qüvvə və ya "ana müxalifət" hesab edirsə, buyursun seçkiyə” - MÜSAHİBƏ

Laçın şəhər 37 saylı məktəbdə BİLİK GÜNÜ - VİDEO

Qəbrin nurla dolsun şəhidim...

"Bəs Əli Kərimli niyə susur?"

Musiqi sevgisinin kökündə duran Üzeyir Hacıbəyli işığı

ŞƏHİD QƏBİRLƏRİNDƏN DUYULAN VƏTƏN ANDIMIZ 

Fuad Qəhrəmanlının qızından atası və Əli Kərimli ilə bağlı - Sensasion iddialar

"AXH bu gün müxalifətin aparıcı qüvvələrindən biridir”

AXCP sədri: Prezidentə və Birinci vitse-prezidentə qarşı “səlib yürüşü” edə bilmərik