Qənirə Paşayeva ““Ovçu” romanı orta məktəblərdə təbliğ edilməlidir”

13:05 07-04-2018 | icon 1294 | Ədəbiyyat
Qənirə Paşayeva ““Ovçu” romanı orta məktəblərdə təbliğ edilməlidir”

“Tariximizlə bağlı roman, film və teleserialların artması vacibdir”

 

Atatürk Mərkəzində yazıçı-publisist, tarixi romanlar müəllifi Yunus Oğuzun "Ovçu" romanının təqdimat mərasimi keçirilib. Mərasimdə millət vəkili Qənirə Paşayeva da iştirak edib.

 

Versus.az-ın məlumatına görə, Q.Paşayeva çıxışında bu gün baş verən hadisələrlə bağlı çoxlu sayda kitablara ehtiyac duyulduğunu vurğulayıb:

 

“40-50 il sonra böyük əsərlər yazıla bilər ki, onlar da bizim tariximiz üçün lazımdır. Ancaq bu gün yazılan əsərlər bizim bu günümüz üçün lazımdır. O günümüz üçün ki, insanlar bilsin ki, bizim qəhrəmanlarımız hansı ideyalar uğrunda şəhid olublar, daha dəqiq, torpaqlarımızı işğaldan azad etmək uğrunda bu zirvəyə yüksəliblər. Bizim torpaqlarımızın hələ də yüzdə iyirmisi işğal altındadır. Ona görə də belə əsərləri daha çox yazmaq lazımdır. Onların ailəsindən başlamaqla həyat hekayələrini yazmaq tələb olunur. Çünki onlar o qəhrəmanlığı öz həyat yolları, amalları ilə zatən özləri yazıblar. Yunus bəyə bir daha təşəkkür edirəm ki, bu işi görüb. Bu gün gənclərimizə kimə oxşamağı, kimdən örnək götürməyin lazım olduğunu aşılamaq lazımdır. Biz Aprel zəfəri yazan qəhrəmanlarımızın necə şücaət göstərdiklərini bilirik. Murad Mirzəyevi, Samid İmanovu hamı tanıyır. Amma onların hansı həyat yolunu keçərək şəhidlik məqamına gəldiyini çox az insanlar bilir. Vətən sözdə, dildə yox, yaşam fəlsəfəsi ilə sevilir. Yazılan əsərlərdə övladların necə yetişdirilməsi kimi məsələlər əksini tapmalıdır. Vətənlə, millətlə bağlı məsələlərdə cəmiyyətə mesajlar verilməlidir. Hərbçilərin xanımlarının fədakarlıqları əksini tapmalıdır. Bu əsərdə deyilir ki, Murad Mirzəyev ömrünü fəda etdi, amma sağ olanda da ömrünün iyirmi dörd saatının əksəriyyətini bu Vətən üçün yaşayıb. Azərbaycan gənci bu kitabı oxuyanda düşünəcək ki, günün bir hissəsini sosial mediada oluramsa, onun yarım saatını sosial mediada Vətənin əsgəri olum. Ona əl uzadanlara qarşı mübarizə aparım. Bununla gənclər özünün məsuliyyətini dərk edəcək. Ona görə belə əsərlər çox yazılmalıdır".

 

Millət vəkili onu da qeyd edib ki, Təhsil Nazirliyinə "Ovçu" romanının orta məktəblərdə təbliğ edilməsi ilə bağlı müraciət edəcək:

 

"Biz tariximizlə bağlı kitabları uşaqların oxuması üçün əlimizdən gələni etməliyik, hətta məktəblər üzərinə vəzifələr də qoymalıyıq. Bu kitabın dili elə sadədir ki, 14 yaşından başlayaraq hər bir uşaq oxuyub dərk edə bilər. Universitet tələbələrinin daha rahat oxuya biləcəyi bir dildə yazılıb. Ən əsası isə lazımsız teleseriallar əvəzinə, belə kitablara filmlər çəkilməlidir. Mümkündür ki, heç olmasa on seriyadan ibarət bir film çəkilsin. İş adamlarını çağırıram ki, belə kitablarla bağlı filmlərə vəsait ayırsınlar. Bunu etmək bir o qədər də çətin deyil, ortada Türkiyə təcrübəsi var. Onlar bu addımı gənc nəslin ruhunu tutmaq üçün edirlər. Biz də gənclərimizə aşılaya bilərik ki, bu kitabda əksini tapmış qəhrəmanlardan biri də sənsən. Sən də qəhrəmanlıq göstərə bilərsən ruhunu gənclərə aşılamaqdan ötrü bu addımı atmaq lazımdır. Məlumdur ki, bu gün kitabların gücü filmin, görüntünün gücü qədər təsirli deyil. Bədii ekran insanlar üçün daha çox təsirli olur. Belə halda bu kitaba daha çox dəyər vermiş olarıq".

 

Q.Paşayevanın sözlərinə görə, Aprel döyüşləri ilə Ermənistana və onun arxasında duran bütün güclərə mesaj verildi ki, Azərbaycan əvvəlki Azərbaycan deyil, güclü bir dövlətdir, güclü peşəkar ordusu var:

 

"Azərbaycan torpağının hər qarışı üçün canını qurban verməyə hazır olan gənclərimiz var. Azərbaycan öz torpaqlarını heç kimə güzəşt etməyəcək. Bu, çox önəmli mesaj idi. Biz hamımız bir olmalıyıq ki, dövlətimiz daha da güclənsin. Dövlətimizin güclü olması bizi Xankəndinə, Şuşaya daha da yaxınlaşdırır".

 

Xəbər lenti

InvestAZ

Ən çox oxunan xəbərlər

Bakıda möhtəşəm Şimali Kipr günü

Şanlıurfada Azərbaycan Bulvarı açılacaq

Millət vəkili İstanbulda "Ailə, dövlət və toplum"dan danışıb

Millət vəkili büdcə müzakirələri zamanı seçicilərin bir sıra problemlərini qaldırıb

Görmə imkanları məhdud gənclərin "Könül dünyası" gecəsində

AXC-nin və Türk Qafqaz İslam Ordusunun Azərbaycana yardıma gəlməsinin 100-cü ildönümündə - KONFRANS

"Sizin uğurunuza bütün cəmiyyətimiz sevinir"

“Gərək Nəsir bəy bu məsələdə məndən inciməsin”

Araşdırmaçı-yazar Sara Pourun iştirakı ilə "Uğurun açarı - Özgüvən"

“Mənə “müxalifət” deyilməsini qəbul eləmirəm” - MÜSAHİBƏ

17 noyabır bizə nə verdi?

Şimali Kipr Türk Cümhuriyyətinin 35-ci ildönümü Bakıda qeyd olundu

“İndi özünü meydan lideri sayan çoxdur, amma faktiki olaraq biz iki nəfər idik”

Müasir telemekanın mövzu özəlliyi: Gender aktuallığı

Bütün növ pensiyalar artırılacaq