“ZOMBİLEND. NƏZARƏT ATƏŞİ"

“Cinema Plus 28 Mall” kinoteatrında Ruben Fleyşerin “ZOMBİLEND. Nəzarət atəşi” filminin qapalı nümayişi keçirilib.

Ağ evə çatıb və orada məskənləşmiş film qəhərəmanları müvəqqəti olsa da, canlarını zombilərdən qurtara bilirlər. Yalnız arada bir onlara hücum edən zombilərlə vuruşurlar. Normal həyat üçün darıxmış Kolambus, Tallaxasi, Krista və Littl-Rok sakit həyat həsrəti ilə bir rahatlıq tapıb yaşayırlar. Lakin onların rahatlığı uzun çəkmir. Qızlar sərbəst olmaq üçün evdən qaçırlar. Bu qısa səyahət vaxtı Littl-Rok Börkli ilə rastlaşır və ona aşiq olaraq, qoşulub qaçır. Krista isə onu axtarmaq məqsədi ilə evə silah əldə etmək üçün qayıdır. Və bundan sonra yeni hadisələr cərəyan edir...

Baş rollarda Cessi Ayzenberq, Vudi Harrelson, Emma Stoun, Ebigeyl Breslin, Zoi Doyç, Rozario Douson, Evan Cogia, Bill Mürey və başqaları çəkiliblər.

Ayəndə Dadaşova
Versus.Az