DADP da növbədənkənar parlament seçkilərində iştirak edəcək
PARTİYA: "İqtidaryönlü partiyalarla birgə seçki blokunun yaradılması mümkündür"
Bü gün Demokratik Azərbaycan Dünyası Partiyasının (DADP) İdarə Heyətinin növbəti iclası keçirlib.
Versus.Az-ın məlumatına görə, iclasda partiyanın 2020-ci il fevralın 9-da keçiriləcək növbədənkənar parlament seçkilərində iştirakı haqqında məsələ müzakirə olunub.
Partiyanın sədri Əlisahib Hüseynov Prezident İlham Əliyevin həyata keçirdiyi islahatlar prosesini təhlil edib və bu islahatları dəstəkləməyin vacibliyini vurğulayıb.
Ə.Hüseynov həmçinin növbədənkənar parlament seçkilərini zəruri edən səbəblər barədə danışıb və DADP-nin bu seçkilərdə fəal iştirak edəcəyini bildirib.
Müzakirələrin sonunda DADP İdarə Heyəti Azərbaycan Respublikasının Milli Məclisinə keçiriləcək növbədənkənar parlament seçkilərində iştirakı ilə bağlı qərar qəbul edib.
Qeyd edilib ki, DADP 25 seçki dairəsi üzrə namizəd irəli sürəcək.
Partiya tərəfindən müvafiq dairələr üzrə deputatlığa namizədliyi irəli sürülən şəxslər haqqında yaxın günlərdə KİV-lərə əlavə məlumat veriləcək.
İclasda həmçinin iqtidaryönlü partiyalarla birgə seçki blokunun yaradılmasının mümkünlüyü məsələsi də müzakirə edilib.
LƏMAN
Versus.Az
Xəbər lenti
Xalq artistindən "papaqatdı"ya ETİRAZ
“Papağı onun-bunun qapısına tullayırlar ki, dilənçi payı versinlər”