Bu yay Azərbaycana gələ bilmədik

Aliyə Abdurazakova

Salam. Mən Aliyə Abdurazakovayam. Rusiyanın Novosibirsk şəhərində yaşayıram. Anam deyir ki, biz burada atamın işiylə əlaqədar yaşayırıq.

Mənim özumdən böyük bir qardaşım var, adı Muraddır. Balaca bacım da var – Mədinə.

Bu il mən ikinci sinifi bitirdim. Dərslərimi yaxşı oxuyuram.

Sizə öz bacarığımdan, müəllimlərin məni necə tərifləməyindən danışmaq istəyirəm.

Müəllimə hərdən bizə proekt hazırlamağı tapşırır. Bir dəfə də “Həyat bilgisi” dərsindən göllər movzusunu keçəndə mən Azərbaycanın gölləri haqqında proyekt hazırladım. Müəlliməm və sinif yoldaşlarım təqdimatımı çox bəyəndilər. Və dedilər ki, “Aliyə, sizin nə gözəl gölləriniz var”. Mən bundan cox qürurlandım. Çünki mən öz vətənimi çox sevirəm. Hər il yay tətilini səbirsizliklə gözləyirəm. Ona görə ki, yay tətillərində vətənimizə gəlirik. Bu yay isə biz Azərbaycana gələ bilmədik. Buna görə çox üzüldüm. Azərbaycandakı dostlarım, xalalarım üçün çox darıxıram.

Amma tətilə çıxandan rəqs məktəbinə gedirəm. Evə gələndə öyrəndiyim hərəkətləri bacıma da öyrədirəm. Rəqsə yeni başladığıma baxmayaraq, müəlliməm hərəkətləri tez öyrəndiyimi deyir. Mən də uşaqlarla birgə şəhər tədbirində çıxış etdim. Sonra mənə buna görə diplom verdilər. Mən də bu sevincimi sizlərlə bölüşmək istədim.

Bu qədər, hələlik.