Mamamsız heç yerə getmək istəmirəm

11:11 08-07-2017 | icon 174 | Uşaq Dünyası
Mamamsız heç yerə getmək istəmirəm

Ayla Nəcəfli

Salam dostlar. Mən gəldim. Artıq tətildəyik. İndi sizə yay tətilində hara gedəcəyimi  yazacam. Əvvəlcə planlaşdırmışdım ki, 1 ay Pirşağıda öz evimizdə, 1 ayın da yarısını Bərdədə nənəmgildə, yarısını Beyləqanda Atlas xalamgildə qalım. Bərdədə mənim bir dostum var, adı Fatimədir. O, çox mehriban və səxavətlidir. Heyifsilənirəm ki, bu yay tətilində onunla görüşəmüyəcəm.

Mənim sinif yoldaşım Svetlana da mehriban, əiaçıqdır. Biz bir-birimizlə bir gün də olsun küsülü qala bilmirik. Bəzən bizə elə gəlir ki, dünyanın ən mehriban və səxavətli dostları elə bizik.

Mən müəllimlərimi və məktəbimizi çox sevirəm. Məktəb mənə bir zövq verir, tətil isə bir başqa zövq. Budur, sinif yoldaşlarımın hamısı yay tətillərini hansısa kənddə, rayonda, şəhərdə qohumlarıgildə keçirirlər. Onlarsız binamızın həyəti sanki boşdur.

Mən hazırda bu yazımı Göradildə, Mirvari xalamgildə yazıram. Xalamın həyətində çoxlu meyvə ağacları və qızılgülləri var.

Doğrudur, sözümü tuta bilmədim. Demişdim ki, Bərdəyə, Beyləqana gedəcəm. Getmədim. Özüm getmədiyimə görə də bacım Leylanın getməsinə də mane oldum. Yəni qaş-qabağımı salladım, üzüntülü görkəmdə bacıma yazıq-yazıq baxdım ki, yəni məni tək qoyub getmə. Mən mamamsız kəndə gedə bilmirəm. Ümumiyyətlə heç hara onsuz getmək istəmirəm. Nə gizlədim, mamamsız qala bilməyəcəyimə görə getmədim nənəmgilə. Həm də mamam dedi ki, orda kol-kosun içinə girərsiz ilan sizi çalar. Mamam bizə görə narahat olur. Amma Bərdədəkiləri, Beyləqandakıları çox görmək istərdim.

Beləcə, sinifimizdən bircə dostum Svetlanayla mən hərdən Bakının yaxın kəndində yaşayan qohumgilə kedirik. Svetlana mamasından kənarda qala bilir heç olmasa. Mən isə mamamsız uzağı 1 gün yarım qala bilirəm. Bax əgər mən mamamdan ayrı qalmağı bacarsaydım, çoxdan nənəmgildə yaşayırdım indi. Orda həyat daha maraqlı keçir.

Düşünürəm ki, böyüdükcə mamamdan kənarda müvəqqəti yaşamağa öyrəşəcəm. Böyüklər belə deyir, nə bilim, onu böyüyəndə görəcəyik.

Hə, bir də atam məni çimərliyə aparmağa söz verib. Söz verdisə edəcək. Amma küləklər imkan vermir ki…

Bu qədər. Görüşünüzə gəlməyimi istəyirsinizsə, məni çox oxuyun. Sağ olun. Öpdüm.

Xəbər lenti

InvestAZ

Ən çox oxunan xəbərlər

Bakıda möhtəşəm Şimali Kipr günü

Şanlıurfada Azərbaycan Bulvarı açılacaq

Millət vəkili İstanbulda "Ailə, dövlət və toplum"dan danışıb

Millət vəkili büdcə müzakirələri zamanı seçicilərin bir sıra problemlərini qaldırıb

Görmə imkanları məhdud gənclərin "Könül dünyası" gecəsində

AXC-nin və Türk Qafqaz İslam Ordusunun Azərbaycana yardıma gəlməsinin 100-cü ildönümündə - KONFRANS

"Sizin uğurunuza bütün cəmiyyətimiz sevinir"

“Gərək Nəsir bəy bu məsələdə məndən inciməsin”

Araşdırmaçı-yazar Sara Pourun iştirakı ilə "Uğurun açarı - Özgüvən"

“Mənə “müxalifət” deyilməsini qəbul eləmirəm” - MÜSAHİBƏ

17 noyabır bizə nə verdi?

Şimali Kipr Türk Cümhuriyyətinin 35-ci ildönümü Bakıda qeyd olundu

“İndi özünü meydan lideri sayan çoxdur, amma faktiki olaraq biz iki nəfər idik”

Müasir telemekanın mövzu özəlliyi: Gender aktuallığı

Bütün növ pensiyalar artırılacaq