Bəhram Bağırzadə yeni kitabını təqdim etdi
Bir neçə gün əvvəl Bəhram Bağırzadə Azərbaycanın ən görkəmli vətənpərvər oğullarından biri olan və “El atası” kimi tanınan H.Z.Tağıyevə həsr etmiş "Hacı Zeynalabdin Tağıyev uşaqlar üçün" kitabını nəşr etdirib.
Versus.Az xəbər verir ki, bu dəfə Bəhram Bağırzadənin kitabı satışa çıxmayacaq.
Belə ki müəllif bu kitabları uşaqlara paylayacağına söz verib. Söz verdiyi kimi, bu gün kitablarını Milli Azərbaycan Tarixi Muzeyinə onunla görüşə gələn hər bir kəsə hədiyyə etdi.
"Sizi, Azərbaycanın böyük övladlarından biri olan Zeynalabdin Tağıyevə böyük sevgi və hörmətlə yaradılan bir kitab gözləyir. H.Z.Tağıyevin həyatı və taleyi vətənə və xalqa xidmətin ən yaxşı nümunəsidir" deyən müəllif, şəxsi "Facebook" səhifəsində bildirmişdir ki, fevralın 19-da saat 15: 00-da bu kitabı əldə etmək istəyən hər kəsi Milli Azərbaycan Tarixi Muzeyində gözləyəcək.
Beləliklə, bu görüş baş tutdu. Müəllifin gözlədiyindən də çox gələn pərəstişkarlar B.Bağırzadəni alqışlarla qarşıladı.
Tədbiri Muzeyin elmi katibi Fərhad Cabbarov açaraq, uşaqlara Hacı Zeynalabdin Tğıyev barədə qısaca da olsa məlumat verdikdən sonra sözü B.Bağırzadəyə verdi. Qısa çıxışından sonra “İMZA” mərasimi başladı.
Uşaqlar böyük maraqla müəllifə yaxınlaşaraq hədiyyələrini aldı.
Ayəndə Dadaşova
Versus.Az
Xəbər lenti
Rusiyaya məxsus helikopter aerodromda məhv edildi
Helikopter Rusiya Ordusunun logistik ehtiyaclarını və təxliyə...