“Azərsu” işçiləri avtomobil qəzasına düşdülər
345 |
Hadisə
Ötən gün baş verən yol qəzası nəticəsində Kliniki Tibbi Mərkəzə yerləşdirilən üç nəfər müalicəsini xəstəxanada davam etdirir.
Versus.Az xəbər verir ki, bu barədə Kliniki Tibbi Mərkəzin mətbuat xidmətinin rəhbəri Elnur Hidayətoğlu məlumat verib.
O bildirib ki, “Azərsu” ASC-nin iki əməkdaşı travmatologiya, digər yaralı isə neyrocərrahiyyə şöbəsinə yerləşdirilib:
“Həkim müayinəsi zamanı yaralı, 1960-cı il təvəllüdlü R.Mənəfova müştərək qapalı kəllə-beyin travması, baş beyin silkələnməsi, hər iki baldır sümüyünün sınığı diaqnozları qoyulub. 1983-cü il təvəllüdlü N.Qəhrəmanova isə baldır sümüyünün sınığı diaqnozu ilə müalicə təyin edilib. Digər yaralı, 1974-cü il təvəllüdlü Zaur Məmmədov isə qapalı kəllə-beyin travması, beyin silkələnməsi və döş qəfəsinin küt travması diaqnozu ilə müalicəsini davam etdirir”.
Xəbər lenti
Müəllim olmaq istəyənlərin NƏZƏRİNƏ
Müsabiqə üzrə qeydiyyat mayın 22-dək davam edəcək
