Əli Əliyevi bugünkü məhkəmə qurtaracaqmı?
Bu gün saat 12:00-da Yasamal Rayon Məhkəməsində Vətəndaş və İnkişaf Partiyasının sədri Əli Əliyevin məhkəməsi olacaq. Hakim Rauf Daşdəmirovun sədrliyi ilə keçirilən məhkəmə prosesində Sərhəd Xidmətinin kapitanı Ramin Ədilovun şikayətinə baxılacaq.
Versus.az xəbər verir ki, bu barədə VİP sədrinin müavini Zaur Mahiroğlu bildirib.
“Əli Əliyevin həbsindən 80 gün ötür. O, polkovnik Emil Cəfərovun iddiasına əsasən aparılan məhkəmədə verilən hökmə görə həbsdədir. Bu gün məhkəməyə gətirilən Əli Əliyev eyni ittihamla mühakimə olunacaq”.
Qeyd edək ki, VİP sədri Əli Əliyev 2021-ci il 30 noyabr vertolyot qəzası zamanı həlak olan 14 zabitlə bir helikopterdə olub və təlim-uçuş məşqlərində qəza zamanı böyük möcüzə nəticəsində sağ qalan hərbi pilotçular kapitan Emil Cəfərovun və polkovnik Ramin Əbilovun barəsində ciddi iddiaları özündə əks etdirən versiyalarla çıxış edib. Partiya sədri qəza zamanı o hərbçilərin niyə sağ qalmasına şübhə ilə yanaşaraq bir sıra versiyalarla yanaşı, onların vertolyotda olmamaları ehtimalını da səsləndirib. Hərbçilər buna görə Əli Əliyevi məhkəməyə veriblər.
Birinci məhkəmədə 6 ay cəza alan Əli Əliyevi ikinci məhkəmədə də növbəti 6 aylıq cəza gözləyə bilərmi?
Sədr müavini bildirib ki, gözləntilərdən danışmaq çətindir. Eyni zamanda o, bu məhkəməni qanunsuz hesab edir. Onun sözlərinə görə, heç kəs bir cinayətə görə təkrarən məhkum edilə bilməz.
Z.Mahiroğlu həmçinin məhkəmənin başqa vaxta keçirilməklə uzadılacağını ehtimal edir.
Tahirə
Xəbər lenti
Seçkiöncəsi ŞOK
“Elçibəy dedi ki, mənim heyifimi almasan, kişi deyilsən”