"Kərkük Türkmənelinə ziyarət və işbirliyi davam edəcək"

Azərbaycanın İraqdakı səfiri Nəsir Məmmədov üçüncü dəfə Kərkük Türkmənelini ziyarət edib.

İraq Türkməneli Partiyasından versus.az-a verilən məlumata görə səfər türkmənlər arasında böyük sevinc və məmuniyyət hissi yaradıb və onlar Azərbaycan böyükelçisini alqışlarla qarşılaylblar.

Türkmən ictimaiyyətinin nümayəndələri ilə görüşdə əlaqələrin daha da möhkəmləndirilməsi üçün qardaşlıq, dostluq mesajları səsləndirilib, tarixi bağlardan söhbət açılıb.

Türkmən cəmiyyətinin çox sayda tanınmış simasl səfir Nəsir Məmmədova Kərkükdə Azərbaycan Mədəniyyət Mərkəzinin açılması istəyində olduqlarını çatdırıblar.

Görüşdə İraq Türklərinin Azərbaycan etnik, mədəniyyətinin bir parçası olduqları vurğulanıb və Azərbaycanın öz qardaşları ilə daha yaxından maraqlanması, müxtəlif sahələrdə əməkdaşlığı dilə gətirilib. Bildirilib ki, türkmənlər Azərbaycan - İraq və Türkiyə - İraq arasında dostluq körpüsü olmağa çalışırlar.

Səfir Nəsir Məmmədov bütün çıxışları diqqətə aldığını, Kərkük Türkmənelinə ziyarətin və işbirliyinin davam edəcəyini dilə gətirib, gprüşdən çox məmnun qaldığını bildirib.

Ağanisə Əliqaraqızı
versus.az