“Hizbullah” öz müharibəsinə başlaya bilər”

“Hizbullah” və İsrail arasında sərhəd üzərindən atışmalar olmasına baxmayaraq, çalışıram ki,  Livan HƏMAS-İsrail müharibəsinə cəlb edilməsin”.

Bu sözləri Livanın baş nazir səlahiyyətlərinin müvəqqəti icraçısı Nəcib Mikati deyib.  

Nəcib Mikati sərhəddə vəziyyətin gərginləşəcəyindən ehtiyat etdiyini dilə gətirib. Belə ki, onun sözlərinə görə, İranın dəstəklədiyi Livanın “Hizbullah” təşkilatı İsraillə öz müharibəsinə başlaya bilər.

“Mən Livanın cənubda güclənən müharibəyə daxil olmasının qarşısını almaq üçün öz vəzifəmi yerinə yetirirəm. Livan fırtınanın mərkəzindədir. Mən eskalasiyanı istisna edə bilmərəm, çünki gərginlik bütün regiona yayılana qədər atəşkəsə nail olunması uğrunda yarış gedir”.

Qeyd edək ki, oktyabrın 7-də HƏMAS-ın İsrailə hücumundan sonra Livandakı “Hizbullah” və müttəfiqləri olan Fələstin qruplaşmaları ilə İsrail arasında hər gün atışmalar gedir.