"Ermənistan özü öz işğalçılıq siyasətini faş etdi"
"Ermənistan hakimiyyətinin Qarabağda Təhlükəsizlik Şurasının iclasını keçirməsi diplomatiya baxımından onların kobud səhvi idi. Hakimiyyət bu addımla Ermənistanın işğalçılıq siyasətini faş etdi, Qarabağı işğal etmiş olduqlarını bəyanlamış oldu".
Versus.Az-ın məlumatına görə, bunu açıqlamasında AXCP sədr müavini Mehriban Sadıqova bildirib. M.Sadıqova qeyd edib ki, bilərəkdən və ya bilməyərəkdən, bu, çox böyük siyasi səhv idi:
"Əslində onların məqsədi "biz bu torpaqları geri qaytarmayacağıq" fikrini Qarabağ ermənilərinə aşındırmaq idi. Mənfur qonşularımız bizə göz dağı olsun deyə, həmin ərazilərdə yollar salır, evlər inşa edirlər. Onların aləmində bu faktlar "bizi ruhdan düşməyə vadar edəcək" kimi hesablanır. Amma, başa düşə bilmirlər ki, torpaqların bir qarışını da onlara verməyəcəyik".
Mehriban xanım vurğulayıb ki, Qarabağ mövzusu bir neçə məmurun beyin düşüncələrinin məhsulu yox, bütün siyasi və ictimai qüvvələrin, düşüncə adamlarının birgə müzakirəsinə çevrilməlidir. Bu işdə isə moderator dövlət olmalıdır:
"Qarabağın taleyi, ölkənin gələcəyi üçün məsuliyyət daşımaq istəyən bütün qüvvələr düşündüklərini səsləndirməlidirlər. Özümüzü aldatmaqdan çəkinək, övladlarımıza düşmənsiz Azərbaycan miras qoyaq. Və yaddan çıxarmayaq ki, mənfur qonşularımızın həyasızlığının və şərəfsizliyinin cavabını ən yüksək təqdirdə Azərbaycan Ordusu və əsgəri verməyə qadirdir".
GÖZƏL
Versus.Az
Xəbər lenti
Rusiyaya məxsus helikopter aerodromda məhv edildi
Helikopter Rusiya Ordusunun logistik ehtiyaclarını və təxliyə...