Avropa dövlətləri İranın yeni xəbərdarlığına münasibət bildirib
Avropa İttifaqı və bəzi Avropa dövlətləri İranın nüvə sazişi ilə bağlı 60 günlük möhlətini qəbul etmədiklərini bildiriblər.
Versus.Az Reuters-ə istinadla xəbər verir ki, bu barədə Avropa İttifaqı və Avropa dövlətlərinin (Fransa, Almaniya, Britaniya) xarici İşlər nazirlərinin birgə bəyanatında deyilib.
Bildirilib ki, Avropa dövlətləri İranın nüvə sazişi haqda yeni addımlar atması ilə bağlı narahatdır və nüvə sazişinin tam olaraq həyata keçirilməsini və gərginliyin artırılmamasını tələb edir.
Avropa dövlətləri bildirib ki, nüvə sazişi çərçivəsində öhdəliklərini davam etdirirlər və sazişlə bağlı hər hansı bir möhlətin verilməsini də qəbul etmirlər.
Qeyd edək ki, İran ABŞ-ın nüvə sazişindən birtərəfli şəkildə çıxmasına, sanksiyaları bərpa etməsinə və Avropa dövlətlərinin öhdəliklərinə əməl etməməsinə görə, sazişin iki bəndinin icrasını 60 gün ərzində dayandırdığını bildirib. İran qarşıdakı 60 gün ərzində neftin ixracı və bank məsələləri ilə bağlı tələblərinin həyata keçirilməyəcəyi təqdirdə sazişin digər bəndlərinin icrasını da mərhələli şəkildə dayandıracağı xəbərdarlığını verib.
Versus.Az
Xəbər lenti
Rusiyaya məxsus helikopter aerodromda məhv edildi
Helikopter Rusiya Ordusunun logistik ehtiyaclarını və təxliyə...