"İlin İşgüzar Xanımı" oldu

Millət vəkili Qənirə Paşayeva "İlin İşgüzar Xanımı" mükafatına layiq görülüb.

Versus.az-ın məlumatına görə, millət vəkili Qənirə Paşayeva Qadınlar Günü münasibətilə təşkil olunmuş tədbirdə Mətbuat firmasının təsis etdiyi "İlin İşgüzar Xanımı" mükafatına layiq görülüb.

O, millət vəkili kimi qanunverici orqanda, ölkəmizin Azərbaycanın hüdudlarından kənarda tanıdılmasında, tariximiz, mədəniyyətimiz, Qarabağ həqiqətlərinin təbliğində fəal rol oynayan insanlardan biri olaraq bu mükafata layiq görülüb.

Bu mükafata layiq görüldüyü üçün təşkilatçılara təşəkkürünü bildirən Qənirə Paşayeva bütün qadınları Qadınlar Günü münasibətilə təbrik edib:

"Mən də daxil olmaqla hər birimizin, bütün qadınlarımızın ən böyük arzusu odur ki, yaxın zamanlarda Ermənistanın işğalı altında olan torpaqlarımız işğaldan azad edilsin. Mən inanıram ki, o gün uzaqda deyil və biz bir millət və dövlət olaraq Ali Baş Komandanın rəhbərliyi altında işğal altında olan torpaqlarımızı azad edəcəyik. İnşallah Xankəndində, Xocalıda, Şuşada və bütün o gözəl torpaqlarımızda da gözəl bayramları qeyd edəcəyik. Bu istiqamətdə hamımıza yorulmadan çalışmağı, mübarizə aparmağı diləyirəm".