Kim Çen 5 məmuru güllələdi, bacısını isə...
Şimali Koreya rəhbəri Kim Çen Inın əmri ilə güllələnən yüksək vəzifəli məmurlarla bağlı yeni təfərrüatlar məlum olub.
"Chosun İlbo” qəzetinin yazdığına görə güllələnənlərdən qalan dördü XİN əməkdaşlarıdır. Onları Pxenyanın şərqində yerləşən Mirim hərbi aerodromunda güllələyiblər. Habelə bildirilir ki, diplomatları edam etməzdən əvvəl onları ABŞ-ın xeyrinə casusluqda ittiham ediblər.
Şimali Koreyanın Əmək partiyasının birləşmə məsələləri üzrə şöbə müdiri Kim Yon Çxol isə siyasi məhbuslar üçün düşərgəyə, katorqa işlərinə göndərilib. Həmin düşərgə Çaqando regionunda yerləşir. Düşərgəyə Hanoy sammitində Şimali Koreya nümayəndə heyətinin daha bir neçə üzvünün göndərildiyi bildirilir. Onların arasında Kim Çen Inın tərcüməçisi də var. Tərcüməçini sammitdə danışıqları tərcümə edərkən Şimali Koreya liderinin "avtoritetini ləkələməkdə” günahlandırıblar. Kim Çen Inın kiçik bacısı, Əmək partiyasının təbliğat və təşviqat şöbəsinin rəhbərinin müavini Kim Yo Çjon isə ev dustağı edilib.
Xəbər lenti
Tarixi dostluq və mehriban qonşuluq
"Əlaqələr gələcəkdə daha da inkişaf etdiriləcək"