Pensiya ümidinə buraxılan filosof - ƏLİSA NİCAT

Bu gün AXCP sədri Razi Nurullayev, sədr müavinləri Ehtiram Mehdiyev və Tural İrfan xalqımızın əsl ziyalısı, yazıçı-publisist filosofu, 82 yaşında esseləri hekayələri ABŞ da, Avropada çap olunan, uşaqlığımızın əfsanəvi yazarı, ən əsası isə sadə və səmimi insan Əlisa NİCATın qonağı olub.

Versus.Az xəbər verir ki, siyasilər Ə.Nicatla görüşdə çay süfrəsi arxasında söhbətlər edib, müzakirələr aparıb, onun qayğıları ilə maraqlanıblar.

T.İrfan görüşlə bağlı təəsüratlarını sosial mediada paylaşıb:

"Azərbaycan xalqının canlı və nadir xəzinəsi dəyərsiz, qiymətsiz, qayğı-diqqətdən kənar saxlanılıb. Xalqın düşünən beyni, vuran ürəyi ziyalılarıdır. Ziyalını isə belə hörmətsiz, qiymətsiz etmək xalqı, dövləti, millətin özəyini sarsıtmaq deməkdir. 200 manat pensiyanın ümidinə buraxılan xalqın filosofu, kasıb komasının nimdaş şəriaitində yenə də xalqına xidmət edir, yazır-yaradır və sınmır, əyilmir və necə deyərlər zarımır. Əlisa Nicatın belə bir sözü var, deyir: "Kərə də yeyən yaza çıxır, tərə də yeyən yaza çıxır..."

Əlisa Nicatın indiki həyatı, ona qarşı edilmiş bu haqsızlıq, onun dövlət qayğısından tam məhrum edilməsi, indiki kövrək və miskin şəraiti bir gənc yazar kimi məni də sarsıtdı".

Versus.Az