41-ci Beynəlxalq Kral Əbdüləziz Müsabiqəsi keçiriləcək

Məkkeyi-Mükərrəmədə Qurani-Kərimin hafizliyi, tilavəti və təfsiri üzrə 41-ci Beynəlxalq Kral Əbdüləziz Müsabiqəsi keçiriləcək.

Versus.Az-ın məlumatına görə, bunu açıqlamasında Səudiyyə Ərəbistanının, İki Müqəddəs Məscid Xadiminin Azərbaycan Respublikasındakı səfiri doktor Həməd bin Abdulla bin Xudeyr deyib. O, bildirib ki, 7-11 sentyabr 2019-cu il tarixində Məkkeyi-Mükərrəmədə Qurani-Kərimin hafizliyi, tilavəti və təfsiri üzrə 41-ci Beynəlxalq Kral Əbdüləziz Müsabiqəsi təşkil olunacaq:

“Müsabiqə İki Müqəddəs Məscidin Xadimi Səudiyyə Ərəbistanı Kralı Salman bin Əbdüləziz Al Səudun himayəsi altında keçiriləcək. Səudiyyə Ərəbistanı Krallığının İslam Məsələləri, Dəvət və İrşad Nazirliyi tərəfindən təşkil ediləcək bu müsabiqənin məqsədi Qurani-Kərimin təbliği və Allah Kitabına marağın artırılmasıdır”.

Səfirin sözlərinə görə daha əvvəlcədən elan edildiyi kimi, bu müsabiqədə iştirak etmək istəyənlər 25 avqust 2019-cu il tarixinə kimi qeydiyyatdan keçərək, sənədlərini [email protected] elektron poçt ünvanına göndərə bilərlər.

Aganisə Sultan
Versus.az