Əlabbas Məhərrəmli: “Beynəlxalq təşkilatlardan məsələyə haqlı mövqe bildirmələri tələb edilir”

“Separatçı erməni yenə xislətinə sadiq qalaraq, Azərbaycan ərazisində çirkin işlərindən əl cəkmir. Qarabağda "seçki" oyunlarının 31 Mart soyqırım gününə təsadüf etməsi düşmənin nə qədər çirkin, hiyləgər olduğunu göstərən amildir”.

Versus.Az xəbər verir ki, bunu politoloq Əlabbas Məhərrəmli mövcud vəziyyətlə bağlı açıqlamasında deyib.

O, bildirib ki, Azərbaycan ictimayyəti bu hadisəni pisləyir, beynəlxalq təşkilatlardan məsələyə haqlı mövqe bildirmələrini tələb edir:

“Tarix onu göstərir ki, koronavirus olmasaydı belə dünya birliyi bu məsələdə birmənali mövqe bildirməyəcəkdi. Bəllidir ki, dünya gücləri - ABŞ, Fransa, Rusiya ATƏT çərçivəsində məsələnin həlli ücün Minsk Qurupunu yaradıblar. Amma Azərbaycana qarşı mövqelərində ədalətli deyillər”.

Politoloq qeyd edib ki, ermənilər layiqli cavablarını mütləq alacaqlar.

“Buna hec kəsin şübhəsi olmasın. Dünya pandemiya ilə  mübarizə aparır. O, cümlədən Azərbaycan. İnşəAllah bu mübarizədən üzüag çıxandan onra Qarabağ işğalının həlli yolunda səylərimiz daha da sürətlənəcək” - deyə, politoloq ədalətin bərqərar olunması üçün güclü birlik nümayiş etdirməyi vacib amil sayıb. /“Üç nöqtə”/

SEVDA
Versus.Az