Britaniya parlamentində Tovuz döyüşləri müzakirə olunacaq

11:46 30-07-2020 | icon 1755 | Gündəm
Britaniya parlamentində Tovuz döyüşləri müzakirə olunacaq

Milli Məclisin İnsan Hüquqları Komitəsinin sədri Zahid Oruc iyulun 12-də Ermənistanın ölkəmizə qarşı törətdiyi Tovuz hərbi təxribatından dərhal sonra dünya parlamentlərinin insan haqları komitələrinin rəsmilərinə, beynəlxalq məsələlər və s. aidiyyəti qurumlarına məktublar ünvanlayıb.

 

Versus.Az-ın məlumatına görə, komitə sədri 50-dən çox ölkəyə məktub ünvanlayıb.

 

Müraciətdə Ermənistan-Azərbaycan dövlət sərhədinin şimal-qərb hissəsində başlatdığı işğalçı hücumun əsas məqsədləri açıqlanıb.

 

Hərbi əməliyyatların Qarabağdan 250 km uzaqlıqda aparılmasının səbəbləri, düşmən ölkənin “yeni ərazilər üçün yeni müharibə” məqsədini irəli sürən yeni hərbi doktrinası, sərhədyanı kənddə yaşayan dinc sakinin qətlə yetirilməsi, mülki əhalinin ev təsərrüfatlarına dəyən dağıdıcı ziyanın miqyası, təxribatın beynəlxalq təhlükəsizlik zəmanəti altında və Avropanın enerji təchizatında etibarlı mənbələrdən olan transmilli neft-qaz kəmərlərinə və tranzit xətlərinə törətdiyi təhdidlər, erməni tərəfin cəbhədə gedən hadisələr haqda saxta xəbərləri tirajlaması və s. barədə məlumat əksini tapıb.

 

Böyük Britaniya parlamentinin İcmalar Palatasının İnsan hüquqları üzrə birgə komitənin sədri, tanınmış ictimai-siyasi xadim Harriet Harmanın adından Komitə rəsmisindən edilmiş müraciətə cavab verilib. Məktubda xanım H.Harman tövsiyələr verib.

 

O, Britaniya parlamentinin dünyada insan hüquqları ilə bağlı mütəmadi rəylər verən Xarici İşlər Komitəsi, həmçinin, Azərbaycanla bağlı parlament qrupunun, parlamentari Bob Blakmanın Tovuz döyüşlərindən dərhal sonra 13 iyul 2020-ci ildə “Ermənistanın Azərbaycana qarşı hərbi təcavüzkarlığı” ilə bağlı gündəliyə müzakirənin daxil edilməsi ilə bağlı təklifini də vurğulayıb.

 

Zahid Oruc Böyük Britaniya parlamentinin Birgə insan haqları Komitəsinin sədrinə diqqətə və operativ cavab məktubuna görə minnətdarlığını bildirib.

 

Britaniya parlamentinin müxtəlif formatlı dinləmələrində Azərbaycan tərəfinin məsələni diqqətdə saxlayacağını qeyd edib.

Xəbər lenti

InvestAZ

Ən çox oxunan xəbərlər

“Azərbaycanın beynəlxalq aləmdə dostlarının sayı artmaqda davam edir”

Qardaş ölkə və strateji tərəfdaş

Xarici kəşfiyyat orqanlarının şəbəkələri AKTİVLƏŞİB

“Azərbaycana qarşı qərəzli mövqeləri ilə Ermənistanı şirnikləndirmək istəyirlər”

“Makronda beynəlxalq hüququ dəstəkləyən siyasi şüur yetərli deyil”

“Müqavilənin vaxtı bitib” adı altında işdən azad olunanlar...

"Həmən 80 manat cərimələmək doğru yanaşma deyil"

"Laçınsız günlər" xatirə gündəlikdən - 1988-ci ilin noyabr ayı

Prezidentin XI Qlobal Bakı Forumunu əhəmiyyətli edən çıxışı

MMP Parlament partiyası ola bilər

MDU və AHBVÜ-nün təşkilatçılığı ilə 5-ci beynəlxalq elmi konfrans keçiriləcək

“Koroğlu”dakı Nəqliyyat Mübadilə Mərkəzi söküləcək?

Rusiya Fransanı ciddi qəbul etmir?

Ramazan ayının dördüncü gününün imsak, iftar və namaz vaxtları

Bu qadınlar pensiyaya daha tez çıxa biləcəklər