Avropa Birliyindən Bakı və İrəvana çağırış

Avropa Birliyi Azərbaycan-Ermənistan sərhədindəki vəziyyətdən narahatdır və delimitasiya və demarkasiya məsələlərində yardım etməyə hazırdır.

Versus.Az xəbər verir ki, bu barədə Avropa Birliyinin xarici siyasət xidmətinin məlumatında deyilir.

“Ermənistan-Azərbaycan sərhədində baş verən son hadisələr təhlükəlidir və narahatlıq doğurur. Dərhal deeskalasiya olmalıdır. Avropa Birliyi hər iki tərəfi hər hansı bir hərbi yerləşdirmə və hərbi addımlardan çəkinməyə çağırır”, – deyə bildirilir.

Sənəddə AB-nin sərhəd delimitasiyası və demarkasiyası məsələlərində tərəflərə kömək etməyə hazır olduğu deyilir:

“AB sərhədlərin delimitasiyası və demarkasiyası məsələlərində təcrübəsini bölüşməyə və yardım göstərməyə, eləcə də Cənubi Qafqazda davamlı sülh və firavanlığa doğru irəliləmək üçün ehtiyac duyulan etimad tədbirlərini dəstəkləməyə hazırdır”.