"Mənim ixtiyarım öz əlimdə deyil"

Xəbər verdiyimiz kimi Azərbaycan Respublikasının Milli Məclisinə növbədənkənar seçkilər 2020-ci il fevralın 9-na təyin edilib.

Versus.Az Sonxeber.az-a istinadən xəbər verir ki, bununla bağlı açıqlamasında Müasir Müsavat Partiyasının sədri Hafiz Hacıyev bildirib ki, gələn həftənin 3-cü günü partiyanın siyasi şurasının iclası olacaq.

Partiya sədri bildirib ki, iclasda Siyasi Şura hansı qərar qəbul etsə, ona tabe olunacaq:

"Amma buna baxmayaraq partiyadan 50-60 nəfərin namizədliyini verməyi düşünürük. Hər halda həftənin 3-cü günü qərar qəbul ediləcək. 3-cü gün namizədlərimizin kim olacağı bəlli olacaq. Əlbəttə, biz də bu demokratik seçkilərdə iştirak edəcəyik. Düşünürəm ki, belə əlverişli şəraitdə seçkilərdə iştirak etməyə dəyər. Mənim ixtiyarım öz əlimdə deyil. Partiya üzvlərinin çıxardığı qərara tabe olmalıyam. Bu mənim üçün ən önəmli məsələdir. Mən ömür boyu dövlətçiliyimizi müdafiə edən insan olmuşam. Hələlik ortada bir şey olmadan bir söz deyə bilmərəm. Hər halda mən dövlətimiz üçün canımı qoymuşam. Siyasi şuranın qərarından sonra mən mətbuata geniş məlumat verəcəyəm".

Versus.Az